Luka 2:13 - KNTP

¹³ Ne ponkapotu kwamwekele kuji malaika jibumba ja nzhita ya mwiulu kasa jitota Lesa amba,

Luka 2:13 Iomraidhean Croise

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Luka 2:12

Ne kano ko kayukilo kenu, mukataana mwana wapombwa mu bisapi kasa alaala mu kijiilamo banyama.”

Luka 2:14

“Lukumo lwikale kwi Lesa mwiulu mwine, ne pano pa ntanda mutende ekale na bantu bamutokesha pa muchima.”

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Bahebelu 1:14

Abo bonse kechi bo bapashi bengila mingilo nenyi? Batumwa mu kwibengijila mingilo aba bakaswana lupulukilo.

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

Lumwekesho 5:11

Kabiji namwene, ne kumvwa naumvwine jiwi ja bamalaika bavula bingi! Bazhokolokele jitanda ne aba bomi ne aba bakulumpe. Kabiji pa kwibabala bajinga jibumba jikatampe ja kukankalwa kubala,