Luka 18:7 - KNTP

⁷ Nanchi, aye Lesa kechi ake bachibile nsambu banji boasalulula bamujijila mute ne bufuku, nangwa wabanda kwibakwasha nenyi?

Luka 18:7 Iomraidhean Croise

Mateo 24:22

Kabiji aa moba inge ne kwiachibako ne, kafwako muntu nangwa umo ukapuluka ne. Pakuba na mambo a basalululwa bakeachibako aa moba.”

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 7:11

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana byawama kwi abo bamulomba nenyi?”

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 2:37

kabiji aye wajinga mwanamukazhi wafwilwa myaka makumi atanu ne makumi asatu ne myaka ina, kechi wafumanga mu nzubo ya Lesa ne, kasa apopwela Lesa na kuzhikilwa na nzala ne kulomba bufuku ne mute.

Luka 21:28

Bino bintu pa kutatula kumweka, imanai, ne kwinuna mitwe yenu, mambo bukuuzhi bwenu ke buji pepi.”

Loma 8:33

Ng'anyi ukaleeta bya kwibashiina basalululwa ba Lesa? Ye Lesa ubingisha!

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Tesalonika 3:10

Bufuku ne mute kasa tulombesha namba tukemumone na meso, ne kulumbulula akya kyabula kulumbuluka mu lwitabilo lwenu.

2 Tesalonika 1:6

Mambo kyo kyaoloka kwi Lesa kwibalubwila bya malwa aba bemumwesha malwa,

1 Timoti 5:5

Aye mwanamukazhi wafwilwa kine, washalatu bunke, luketekelo lwanji lujitu mwi Lesa, kabiji ukelwatu mu misashijilo ne mu milombelo bufuku ne mute.

2 Timoti 1:3

Namusanchila Lesa ye ng'ingijila na muchima watoka, byonka byaubilenga bashakulu bami. Byo mbena ku kuvuluka mu milombelo yami moba onse, bufuku ne mute.

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

Titusa 1:1

Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,

1 Petelo 1:1

Petelo, mutumwa wa Yesu Kilishitu. Ku basalululwa bapalang'enamo baikala bwenyi mu Pontusa, ne mu Ngalatiya, ne mu Kapadokya, ne mu Asha, ne mu Bitinya.

2 Petelo 3:9

Aye Nkambo kechi wabanda ku mulaye wanji, byo balanguluka bamo mambo a kubanda ne. Pakuba wimutekenya muchima, byo abula kusaka nangwa umo amba onaike ne, poso amba bonse balapile.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 6:10

Kabiji babijikile na jiwi jikatampe amba, “Anweba Nkambo, wazhila ne wa kine, myaka inga yo mukabula kwituchibila mambo ne kushinkanya naabo bekala pantanda na mambo mashi etu?”

Lumwekesho 7:15

Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.