Luka 18:13 - KNTP

¹³ Pakuba aye musonkeshi, byo aimene kwalepa, ne kusaka nangwa kwinuna meso anji kwiulu ne, wipuminenga pa kyaji kyanji amba, ‘Lesa, mungubile lusa, ne ndengamambo!’”

Luka 18:13 Iomraidhean Croise

Mateo 10:3

ne Filipa, ne Batolomo, ne Tomase, ne Mateo wajinga musonkeshi; ne Yakoba mwana Alefesa, ne Tadeusa,

Mateo 6:5

“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo.

Mateo 9:13

Nanchi yainga, kafundai mwayila kino amba nsaka lusa, kechi kitapisho ne. Mambo kechi naiya na kwita baoloka ne, poso bandengamambo.”

Mako 11:25

Kabiji mu bimye byonse byo mwimana na kulomba, sa mulekela mambo umvwe muji na mambo na mukwenu, namba shenu wa mwiulu emulekele mambo enu.”

Luka 17:12

Kabiji byo atwelele mu muzhi umo wasambakene banabalume jikumi bambumba. Baimene kwalepa

Luka 22:41

Kabiji wibashiile waendeleko musinso pakonsha kufika jibwe ja kutaya; ne aye wafukamine panshi kalombe.

Luka 23:48

Kabiji mabumba onse apwijile na kumona akya kintu, byo bebimwene byaubiwe, babwelele kwabo na kwipuma pa byaji byabo.

Luka 5:8

Pakuba Shimona Petelo byo amwene kyaubiwe, waponene ku maulu a Yesu ne kwamba amba, “Fumai kwi amiwa Nkambo! Mambo amiwa ne ndengamambo.”

Byubilo 2:37

Ponkapo byo ba umvwine bino, ne michima ibapiile munda, ne kwambila Petelo ne batumwa bakwabo amba, “Anweba bakwetu, tube byepi?”

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

2 kolinda 7:11

Mambo talai buno bulanda bwa mwayila bwina Lesa bo bwimulengeshe kuteshakotu muchima, kine ne kusaka kwibingisha, kine ne kwibuzhingijila bubi, kine ne kwakamwa, kine ne kunsakisha, kine ne kuuba mukoyo, kine ne kukabisha bubi! Mu byonse mwilumbulula amba, mwabinga mu ano mambo.

1 Timoti 1:15

Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

Bahebelu 4:16

Onkao mambo nanchi tufwenye kwipi konka ku jitanda ja bupe kasa twachinchika. Amba tutambule lusa ne kumona bupe bwa kwitukwasha mu kimye kya kupelelwa kwetu.

Bahebelu 8:12

Mambo amiwa nkebobila lusa pa bubi wabo, ne mambo abo kechi nkeavuluka jibiji nangwa pachechetu ne.”