Luka 17:6 - KNTP

⁶ Ne Nkambo wa ambile amba, “Inge mwajinga na lwitabilo nobe ka jipeke ka Masitate, mwakonsha kwambila kino kichi kya malubenyi amba, ‘Zhujika, ujimbwe mu mema a mu kalunga,’ kabiji ki ke mukookela anweba.”

Luka 17:6 Iomraidhean Croise

Mateo 14:29

Kumvwa aye amba, “Iyainga.” Kabiji Petelo wafumine mu bwato, kaende ne pa mema kaye kuji Yesu.

Mateo 17:20

Ne Yesu wibakumbwile amba, “Mambo a kalwitabilo kenu kacheche, mambo kine nemwambila namba, inge muji na lwitabilo pamo nobe jipeke ja masitate, inge mwa mwambila uno mutumba amba, fumapo ya po pa, ne aye ukafumapo, kabiji kafwako kyo mukakankalwa ne.

Mateo 21:21

Kumvwa Yesu wibambijile amba, “Kine ne mwambila namba, kana muji na lwitabilo ne kuzhinauka ne, kechi mukooba kyonkakye kyaubiwapo ku mukuyu ne, mukambila nangwa uno mutumba amba ushikulwe, utayiwe mu kalunga ka mema, kikobiwa byonkabyo.

Mako 4:31

Buji nobe lukunwa wa masitate, aye byo bamubyala panshi, wakila nkunwa yonse ya pano panshi mu kukepa.

Mako 9:23

Kumvwa Yesu wamwambijile amba, “Umvwe mwakonsha! Byonse byakonsheka kwi aye waitabila.”

Luka 13:19

Buji nobe kajipeke ka Masitate ko atolele muntu ne kwikabyala mubujimi bwanji mwine, ne kukoma kakomene ne kwaluka ke kichi, ne bang'onyi bapita mwiulu balengele binsa byabo pa misampi yakyo.”

Luka 17:7

“Ng'anyi mwi anweba uji na kalume ubena kujima nangwa ubena kulama mikooko pa kufuma ku majimi umwambila amba, ‘Iya ponka pano wikale uje?’

Luka 19:4

Kepo anyemejile kulutwe, ne kukanjila ku kichi kya mukuyu amba amumone, mambo Yesu wapichilenga mu jonkaja jishinda.

Luka 7:13

Ne aye Nkambo byo amwene uno mwanamukazhi, wamubijile lusa ne kumwambila amba, “Kujila ne.”

Luka 7:19

Ne aye Yoano wibechile baana banji babwanga babiji, wibatumine kwi Nkambo amba, Yenu iye ubena kwiya nyi, inyi tutengelenga mukwabo?

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.