Luka 17:2 - KNTP

² Kyamufwainwa aye kumukashila jibwe ja kupelapo mu nshingo yanji ne kutayiwa mu kalunga ka mema kukila kulengela kamo ka mutuno twana twa tucheche kwitutuntwisha.

Luka 17:2 Iomraidhean Croise

Mateo 17:27

Byonkabyo, kuchiina amba, twakebatuntwisha, yainga ku kizhiba, mukatayemo kanda mu mema ne jisabi jitanshi jo musakuloba mwijishikule, ne pa kwijasamika kanwa musakutanaamo jali, mwijangatemo mupane musonko wami ne wenu.”

Mateo 18:10

“Jimukai! Kechi musuule nangwa kamotu ka tuno tucheche ne. Mambo nemwambila namba, bamalaika baato baji mwiulu bakeelwa kutala mu kilungi kya Taata wa mwiulu.

Mateo 18:14

Mo mwayila ne muchima wa Shenu wa mwiulu, kechi usaka nangwa kamotu ka tuutwe tucheche konaike ne.”

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Mako 9:42

“Pakuba awa ukatuntwisha kamo pa tuno twana twangitabila, kyamufwainwa aye kumukashila jibwe jikatampe ja kupelapo mu nshingo yanji, ne kumutaya naajo mu kalunga ka mema.

Yoano 21:15

Byo bapwishishe kuja, Yesu wa ambijile Shimona Petelo amba, “Shimona, mwana Yona, wantemwa kukila bano bakwenu byo bantemwa nyi?” Aye wamukumbwile amba, “Ee, Nkambo, anweba mwayuka amba amiwa nemutemwa.” Yesu wamwambijile amba, “Kajishai twana twa mikooko twami.”

1 Kolinda 9:15

Pakuba amiwa kechi nebyubile bino bintu nangwa kimo ne, kabiji kechi nanemba bino bintu namba kingubilwe byonkabyo ne. Mambo kyangwamina amiwa kufwa, kukila kuleka nangwa muntu umo alulule kwitota kwami ke kwatu.

1 Kolinda 9:22

Kabiji ku banekena naalukile ke wanekena, namba mmwenemo banekena. Kabiji naaluka ke bintu byonse ku bantu bonse namba na bintu byonse mpulushepo bamo.