Luka 16:8 - KNTP

⁸ “Kabiji nkambo yanji wamutotele awa kalama wabula koloka mambo waubile kya bujimuku. Mambo baana ba pano pantanda mukisemi kyabo bebakila kujimuka baana ba kyeya.”

Luka 16:8 Iomraidhean Croise

Mateo 12:32

Kabiji awa umunena bibi Mwana Muntu, ukalekelwao, pakuba awa umunena bibi Mupashi Wazhila, kechi ukalekelwao ne, nangwa muyino myaka, nangwa mu myaka ikeya.

Mateo 17:26

Kabiji Petelo wakumbwile amba, “Ku bangi.” Yesu wamwambijile amba, “Nanchi baana kechi basonka ne, bo baana ba bene.

Luka 16:10

Awa waikala wakishinka mutucheche ye waikala wakishinka ne mu byavula, ne yewa wabula kwikala wakishinka mutucheche ye wabula kwikala wakishinka ne mu byavula.

Luka 16:4

Nalanguluka bya kuuba, namba byo bakampanga pa bukalama, bantu bakantambule mu ma nzubo abo.’”

Luka 16:7

Kabiji wa ambijile ne mukwabo amba, ‘Ne obewa uji na nkongole inga?’ Wa ambile amba, ‘Kitoota kimo kya masaka a kajo.’ Wamwambijile amba, ‘Tambula kyete kyobe, unembe makumi atanu na asatu.’”

Luka 18:6

Kabiji aye Nkambo wa ambile amba, “Umvwai akya kya ambile mutonyi wabula koloka.

Luka 20:34

Kabiji Yesu wibambijile amba, “Baana bamu ino myaka basongola, ne kusongolwa,

Luka 20:35

pakuba aba bo baketaba amba bafwainwa kufika ku yoya myaka ne ku lusanguko lwa mu bafu, abo kechi bakasongola nangwa kusongolwa ne.

Yoano 12:36

Ponkapo po mukiji na kyeya kitabilai kyeya, pakuba amba mwikale baana ba kyeya.” Yesu pa kupwisha kwamba bino, wafumineko ne kufyama wibafyamijile.

1 Kolinda 3:18

Kabiji muntu nangwa umo kechi ejimbaike mwine ne. Umvwe muntu wa mwi anweba walanguluka amba, ye wa maana a pano pantanda, ekale nobe ke wabula maana, pakuba amba, akekale na maana a kine.

Efisesa 5:8

Mambo kala mwajinga mfishi, pakuba pano mwi kyeya mwi Nkambo. Endainga mwafwainwa baana ba kyeya,

Filipai 3:19

Kumpelo yabo ke lonaiko, kabiji lesa wabo jo jivumo jabo, kabiji lukumo lwabo luji mu bya bumvu bwabo, bo bata michima yabo ku bintu bya pano pantanda.

Tesalonika 5:5

Mambo anweba bonse mwi baana ba kyeya, mwi baana bamute. Kechi twi ba bufuku nangwa ba mfishi ne.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.