Luka 16:3 - KNTP

³ Ne kalama wiambijile mwine amba, ‘Lelo ngube byepi byo asaka kumpanga nkambo pa mwingilo wami? Kechi nji na ngovu ya kujima ne, kabiji nji na bumvu pa kulomba.

Luka 16:3 Iomraidhean Croise

Mateo 20:8

“Kabiji byo bwaijile, mwina bujimi wamwambijile kapitao wanji amba wibete bamwingilo, utendekele bapelaako kwibafweta, bino wiye upe ne batanshi.

Mako 10:46

Kabiji bafikile ku Yeliko, ne byo afuminenga mu Yeliko na baana banji babwanga ne jibumba jikatampe, Batemesa mwana Temesa mpofu wa lulombo kasa aikala kunsa ya jishinda.

Luka 12:17

Ne aye walangulukile mu muchima wanji amba, ‘Lelo pano ngube byepi, mambo nabula ne mwa kubiika kajo kami?’

Luka 16:2

Ne aye wamwichile ne kumwambila amba, ‘Lelo ikika kyo na kumvwina? Pano umbuule byonse bya mu bukalama bobe, mambo pano kechi usa kukikala kalama wami ne.’

Luka 16:20

Ne umo mulanda jizhina janji Lazalasa watujilwenga pa kibelo kyanji, mubiji kasa akumbana bilonda,

Luka 16:22

Mulanda wafwile kabiji bamalaika bamutwajile mu kyaji kya Abulahama. Munonshi naye wafwile ne kumuzhiika bamuzhiikile,

Luka 16:4

Nalanguluka bya kuuba, namba byo bakampanga pa bukalama, bantu bakantambule mu ma nzubo abo.’”

Luka 18:4

Pakuba aye mutonyi wakikainenga moba amo, bino panyuma wiambijile mwine amba, ‘Nangwa mbula kwakamwa Lesa, nangwa kunemeka muntu ne,

Yoano 9:8

Ponkapo bo aikajilenga naabo, ne aba bamumwenenga kala, byo ajinga wa lulombo, ba ambile amba, “Kechi ye yewa waikalanga na kulomba nyi?”

Byubilo 3:2

Kabiji baleetele mwanamulume kasa bamupaapa, kilema maulu kufuma pa kusemwa kwanji, bamutujilenga pa juba pa juba ku kibelo kya nzubo ya Lesa, kyobatelele amba, “Kibelo kya Buya,” na kulomba bukwasho ku batwela mu nzubo ya Lesa.

Byubilo 9:6

Pano imana, utwele mu muzhi, kabiji bakakubula kyo wafwainwa kuuba.”

2 Tesalonika 3:11

Mambo twibomvwa bamo ba mwi anweba bankope, babula kusaka kwingila nangwa pachechetu ne, bino basakatu kwibiika mu mingilo ya bakwabo.