Luka 16:23 - KNTP

²³ kabiji monka mu Kalunga wainwine meso anji kasa amanama, ne kumona wamwene Abulahama kwalepa, ne Lazalasa mu kyaji kyanji.

Luka 16:23 Iomraidhean Croise

Mateo 11:23

Ne obewa Kapenama! Ukasuntulwa kufika mwiulu nyi? Bakakwikizha panshi! Mambo aya mingilo ya bulume yamwekele mwenu, inge yamwekele mu Sodoma, inge ukijipo ne buji leelo!

Mateo 18:9

Kabiji umvwe jiso jobe jakulengesha kulenga mambo, jilobolemo wijitaye, kyakuwamina kutwela mu bumi na jiso jimo, bino kyatama kutayiwa na meso abiji mu Ngehena ya mujilo.”

Mateo 23:33

Anweba milolo, anweba baana ba balunkungwe, mukapuluka byepi ku lukabisho lwa mu Ngehena?

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mateo 5:29

Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne.

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Luka 16:24

Kabiji wabijikile amba, ‘Taata Abulahama! Ngubilai lusa mutume Lazalasa atumpe nsongo ya munwe wanji mu mema ne kuntalazha pa lujimi wami mambo namanama mu luno lubeebe lwa mujilo!’”

Luka 16:28

mambo nji na balongo bami batanu. Namba ake bajimune, kuchiina amba ne abo bakeya muno mu lumanamo.’

Luka 8:28

Byo a mumwene Yesu, wabijikile ne kuponena panshi mu kyenyi kyanji ne kubijika na jiwi jikatampe amba, “Lelo nanchi ikika kyo musaka kwi amiwa, Yesu Mwana Lesa Mwine Wakila? Ne musashijila namba, kechi mu mmanyike ne!”

1 Kolinda 15:55

“Obewa lufu, kushinda kobe kuji pi?” “Obewa lufu, lumuna obe uji pi?”

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.