Luka 16:22 - KNTP

²² Mulanda wafwile kabiji bamalaika bamutwajile mu kyaji kya Abulahama. Munonshi naye wafwile ne kumuzhiika bamuzhiikile,

Luka 16:22 Iomraidhean Croise

Mateo 18:10

“Jimukai! Kechi musuule nangwa kamotu ka tuno tucheche ne. Mambo nemwambila namba, bamalaika baato baji mwiulu bakeelwa kutala mu kilungi kya Taata wa mwiulu.

Mateo 24:31

Kabiji ukebatuma bamalaika banji na jiwi jikatampe ja ntolompita, ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Mateo 8:11

Kabiji nemwambila namba, bavula bakeya bakafuma ku musela ne ku muzhika, bakekala pamo ne Abulahama, ne Izaka, ne Yakoba, mu bufumu bwa mwiulu.

Mako 8:36

Lelo muntu nangwa wanonka ntanda yonse, umvwe wataya mweo wanji, ukamwenamo ka?

Luka 12:20

Pakuba Lesa wamwambijile amba, ‘Obewa kilubi! Bonka buno bufuku mweo wobe wasakiwa, pano byonse byo uji naabyo bikekala bya kwa ng'anyi?’”

Luka 16:21

wasakile kuja kutupona ku tebulu wa munonshi. Byonkabyo, ne bakabwa baishilenga na kumyanga pa bilonda byanji.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 13:23

Mwananji wabwanga umo, yenka ye atemenwe Yesu, wajinga ku tebulu, kasa asendalela mu kyaji kya Yesu.

Yoano 21:20

Ponkapo Petelo wafutulukile, ne kumona awa mwana wabwanga ye atemenwe Yesu, kasa alondela, yenka wa shakamijile mu kyaji kyanji ku kijiilo, ne kwamba amba, “Nkambo, ng'anyi usa kwimusolola?”

Bahebelu 1:14

Abo bonse kechi bo bapashi bengila mingilo nenyi? Batumwa mu kwibengijila mingilo aba bakaswana lupulukilo.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Yakoba 1:11

Mambo juba jiseela na kyuya kyajo ne kumisha nsono; ne buluba bwayo bwakunchika, ne buuya bwa musango wayo bwaonaika. Byonkabyo ne aye munonshi ukazhimang'ana mu kwendaenda kwanji.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

Lumwekesho 14:13

Kabiji naumvwine jiwi kufuma mwiulu amba, “Nemba amba, batokwa bafu bafwila mwi Nkambo kufuma ku jino juba ja lelo!” Ne aye Mupashi wa ambile amba, “Ee kine, bakakokoloke ku mingilo yabo yakosa, mambo byubilo byabo bibalondela.”