Luka 16:16 - KNTP

¹⁶ “Mizhilo ne bangauzhi bajingako kufika ne kimye kya kwa Yoano, kufuma ku kyo kyo kimye Mambo Awama a bufumu bwa Lesa abena kusapwilwa, ne bonse babena kutwela monka na mukoyo.

Luka 16:16 Iomraidhean Croise

Mateo 10:7

Kabiji pa kuya, kasa musapwila amba, bufumu bwa mwiulu bwafwenya ke pepi!

Mateo 15:11

Kitwela pa kanwa kechi kimuzhilulula muntu ne, kana kilupuka mu kanwa, kyo kimuzhilulula muntu.”

Mateo 21:32

Mambo Yoano waishile kwi anweba mu jishinda ja bololoke kabiji anweba kechi mwamwitabijile ne; pakuba basonkeshi ne bankende bamwitabijile, kabiji anweba pa kwikimona, kechi mwalapijile panyuma amba tumwitabile ne.”

Mateo 3:2

“Lapilai mambo bufumu bwa mwiulu bwafwenya ke pepi!”

Mateo 4:17

Kufuma pa kyokya kimye Yesu watatwile kusapwila amba, “Lapilai, mambo bufumu bwa mwiulu bwafwenya ke pepi!”

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mako 1:14

Kabiji Yoano byo bamukwachile, Yesu waishile mu Ngalilea kasa asapwila Mambo Awama a Lesa amba,

Mako 1:45

Pakuba aye walupukile ne kutatula kwi kitayila mbila, ne kukumbanya konse ao mambo. Onkao mambo Yesu kechi wasakile kutwela mu muzhi ku meso a bantu ne. Kepo aikajile mungyetu, ne bantu baishilenga ko aji kufuma konse konse.

Luka 10:11

‘Nangwa lukungu lwa mu muzhi mwenu lwa kakachila ku maulu etu twimukunchilalo. Nangwa byonkabyo yukai kino amba, Bufumu bwa Lesa bwa fwenya pepi.’

Luka 10:9

Kabukai bakolwa baji mu yewa muzhi ne kwibambila amba, ‘Bufumu bwa Lesa bwafwenya pepi ne anweba.’

Luka 16:29

Bino Abulahama wa ambile amba, ‘Baji na Mosesa ne bangauzhi ba Lesa, bebomvwe.’

Luka 16:31

Abulahama wa ambile amba, ‘Inge ne kwibomvwa ba Mosesa ne bangauzhi ne, kechi baketabizhiwa nangwa umo wasanguka mu bafu ne.’”

Luka 9:2

ne aye wibatumine na luusa lwa kusapwila mambo a Bufumu bwa Lesa ne kubuka bakolwa.

Yoano 1:45

Ne aye Filipa wataaine Natanela, wamwambijile amba, “Twamutaana, ye banembele kwi Mosesa mu buku wa mizhilo, ne ku bangauzhi, Yesu mwina Nazala, mwana Yosefwa.”

Yoano 11:48

Inge twamulekatu byonkabye, bantu bonse bakamwitabila, ne bena Loma basa kukeya na kwitwangata ntanda yetu ne kisaka kyetu pamo!”

Yoano 12:19

Ponkapo Bafaliseo ba ambang'ene bene na bene amba, “Akimonai, byo twamukankalwa! Talai ne kyalo kyonse ke kimulondele!”

Yoano 5:4

Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi.

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.