Luka 15:7 - KNTP

⁷ Byonkabyo nemwambila namba, mukekala lusekelo lwakila mwiulu pa ndengamambo umo walapila kukila pa bantu makumi atanu na ana ne batanu na baana baoloka babula kusaka kulapila.”

Luka 15:7 Iomraidhean Croise

Mateo 18:13

Kabiji umvwe wamumona, kine nemwambila namba, usekela bingi kukila kusekela kwa yoya ikwabo makumi atanu na ana ne itanu na ina yabula kulubilamo.

Mateo 3:8

Byonkabyo pangai bipangwa byafwainwa lulapilo.

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Luka 15:29

Kumvwa aye wibakumbwile bashanji amba, ‘Talai, myaka yavula yo nemwingijila, kabiji ne kulengululapo mukambizho wenu ne, bino kechi mwampelepo nangwa kaana kambuzhi, amba tusangalale na bakwetu ne!

Luka 15:32

Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”

Luka 15:6

ne pakufika ku nzubo yanji, wapwizha pamo balunda nanji ne boekala naabo amba, sekelai pamo ne amiwa mambo na mumona mukooko wami wataikile!

Luka 15:8

“Nangwa ng'anyi mwanamukazhi uba, umvwe uji na mali jikumi, watayapo jimo, ubula kwambula lampi ne kupyanga mu nzubo ne kukebeshamo poso wijimona.

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Luka 5:32

Amiwa kechi naiya na kwita baoloka ne poso bandengamambo namba balapile.”

Loma 7:9

Ne amiwa kala najinga mumi pakubula Mizhilo; pakuba byo aishile mukambizho, bundengamambo bwasangukile.