Luka 13:34 - KNTP

³⁴ “Obewa Yelusalema, Yelusalema! Wipaya bangauzhi ne kwibaasa mabwe aba bo bemutumina! Javula bingi jo nasakile kwibakonkenya baana bobe pamo nobe kyaje ukonkenya twana twanji mwine mu byapi byanji, kabiji anweba kechi mwaswile ne!

Luka 13:34 Iomraidhean Croise

Mateo 22:3

Kabiji watumine bakalume banji na kwibeta abo bo aichile ku kijiilo kya masongola, bino bakaine kwiya.

Mateo 22:6

aba bashajilepo nabo bakwachile bakalume banji, bebayanjishishe, ne kwibepaya.

Luka 15:28

Pakuba aye kolojanji wazhingijile kabiji wakaine kutwelamo. Bashanji balupukile ne kumusashijila amba atwele.

Luka 19:44

baka kuponesha panshi, obewa ne baana bobe baji mukachi kobe; kabiji kechi baka kushiilapo nangwa jibwe jimo kasa jatentakana pa jikwabo ne, mambo kechi wayukile mwaka wa kupempulwa kobe ne.”

Luka 23:28

Bino Yesu waalulukile ne kwibambila amba, “Anweba baana bakazhi bamu Yelusalema, kechi munjile amiwa ne, pakuba ijilai anweba bene ne baana benu.”

Byubilo 7:52

Ng'anyi ngauzhi ye babujile kupata bashakulu benu? Kabiji bebepayile ba ambilejilenga jimo na mambo a kwiya kwa aye Mololoke. Kabiji anweba pano yenu mwamusolola ne kumwipaya.

Byubilo 7:59

Kabiji byo bamwashilenga mabwe Setepena wabijikile kwi Nkambo amba, “Nkambo Yesu, tambulai mupashi wami!”

Byubilo 8:1

Ne Saulo waitabizhe lufu lwanji. Kabiji pa jonkaja juba kwabuukile lupato lukatampe lwa kwikipata kipwilo kya mu Yelusalema. Ne bonse bapalang'ejile monse mu Yudea, ne mu Samaliya, poso bonka batumwa.

Lumwekesho 11:8

Kabiji mibiji yabo yafwa ikalaala mu mukwakwa wa mu yewa muzhi mukatampe, yebateela mu kifwanyikizho amba, Sodoma ne Ijipita, mo apopelwe ne Nkambo yabo pa musalabu.