Luka 13:24 - KNTP

²⁴ “Kosakanai mutwele pa kibelo kyakepa. Mambo bavula, nemwambila namba bakasaka kutwela bino kechi bakakonsha ne.

Luka 13:24 Iomraidhean Croise

Mateo 11:12

Kabiji kufuma ku moba a Yoano Mubatishi ne kufika ku jino juba, bufumu bwa mwiulu bebubila mukoyo, ne bantu bamukoyo bebutambula na lupata.

Luka 13:23

Ne umo wa mwipwizhe amba, “Nkambo, aba bapuluka bakekala bacheche nyi?” Ne aye wibambijile amba,

Luka 21:36

Bino jimukai anweba moba onsetu ne kulomba mukakonshe kupuluka ku byobya byonse bikafika ne kwimana ku meso a Mwana Muntu.”

Yoano 13:33

Anweba twana nji ne anweba pa kakimye kacheche. Musa kukankeba, kabiji byonka byo naambijile Bayudea, pano nemwambila ne anweba namba, akwa kongya amiwa, anweba kechi mwakonsha kuyako ne.

Yoano 5:4

Mambo malaika wa Nkambo, moba amo waikijilenga mu kizhiba na kutenkenya mema. Kabiji awa mutanshi waikijilemo pa kutenkena mema waikajile ke mutuntulu ku kikola kyanji kyo aji nakyo, nangwa kya byepi, nangwa kya byepi.

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Yoano 7:34

Mukankeba, bino kechi mukantaana ne, kabiji anweba kechi mwakonsha kuya akwa konkekala ne.”

Yoano 8:21

Ponkapo Yesu wibambijile jibiji amba, “Amiwa nkafumapo, kabiji mukankeba, bino mukafwa mu mambo enu. Akwa kongya amiwa, anweba kechi mwakonsha kuyako ne.”

Loma 10:3

Mambo byo babula kuyuka bololoke bufuma kwi Lesa, ne kukeba kwimika bwabo abo bene, kechi bakookela bololoke bwa Lesa ne.

Kolose 1:29

Kyo kyo ng'ingijila kyakosa kasa na kolomokatu, monka mwayila kwingila kwa Kilishitu koengila mwi amiwa na bulume.

Bahebelu 4:11

Onkao mambo tuteshekotu muchima amba tutwele muyoya ntanda ya kukokolokelamo, kuchiina amba nangwa muntu umo wakaponena mumusango umo wamilengulwila.

2 Petelo 1:10

Onkao mambo balongo bami, teshaikotu muchima namba, kwitwa kwenu ne kusalululwa kwenu kwikale ke kwa kine, mambo umvwe mwauba bino bintu, kechi muketuntula ne.