Luka 12:6 - KNTP

⁶ “Lelo tung'onyi tutanu, kechi tupotwa na tumali tubiji nenyi? Kabiji mwi ato kechi muji nangwa kamo kafyamika ku meso a Lesa ne.

Luka 12:6 Iomraidhean Croise

Mateo 10:29

Nanchi tung'onyi tubiji kechi bapota na ka jali kamo nenyi? Kafwako nangwa kamo kakapona panshi kwakubula kuyuuka Shenu ne.

Mako 12:42

Ne mwanamukazhi wafwilwa mulanda watailemo tumali tubiji tucheche tulenga kangwe kamo.

Luka 12:24

Langulukai ku ba bikwangala; abyo kechi bi byala nangwa kunowa ne, kechi biji na mwa kubiika, nangwa butala ne, bino nangwa byonkabyo Lesa wibijisha! Anweba kechi mwakijishatu bang'onyi mu kuneema nenyi?

Luka 12:27

Langulukai buluba byo bukoma, kechi bwingila mwingilo nangwa kuluka kisapi ne. Pakuba nemwambila namba, nangwa Solomone mu lukumo lwanji lonse kechi wavwajilenga pamo ne abo ne.