Luka 12:5 - KNTP

⁵ Nanchi nsa kwimubuula ye mwafwainwa kuchiina. Chiinai yewa uba pa kupwisha kwipaya, uji na luusa lwa kutaya mu Ngehena. Kine nemwambila namba, muchiinai aye!”

Luka 12:5 Iomraidhean Croise

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Mateo 25:41

Ponkapo ukebambila abo ba ku kipiko kyanji amba, ‘Fumaiko kwi amiwa, anweba mwafingwa, yainga mu mujilo wa myaka ye banengezhezha Diabola ne bamalaika banji!

Mateo 25:46

Kabiji bano bakaya ku lukabisho lwa myaka. Pakuba baoloka bakaya ku bumi bwa myaka.”

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mako 13:23

Bino jimukai anweba! Talai amiwa nemubujila jimo bino bintu byonse kasa bikyangye kumweka.

Tesalonika 4:6

Kabiji kechi pekale muntu nangwa umo, azhilulule muzhilo ne kumuba bibi mulongo wanji mu ano mambo ne. Mambo aye Nkambo ye ushinkanya mu bino bintu byonse, byonka byo twimujimwine ne kwimubujisha.

Bahebelu 10:31

Kyo kintu kilengesha moyo kuponena mu maboko a Lesa mumi!

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

Lumwekesho 14:7

Ne aye wa ambile na jiwi jikatampe, amba, “Akamwai Lesa ne kumupa lukumo! Mambo kimye kya kije kyanji kyafika. Mupopwelai aye walengele mwiulu ne ntanda ne kalunga ne masulo a mema atupauka!”

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”

Lumwekesho 20:14

Ne lufu ne kalunga ka bafu byaelelwe mu kizhiba kya mujilo. (Luno lo lufu lwa bubiji, kyo kizhiba kya mujilo.)