Luka 12:4 - KNTP

⁴ “Amiwa nemwambila anweba balunda naami namba, kechi muchiine aba bepaya mubijitu, bino palutwe kafwapo kikwabo kyo bakonsha kuuba ne.

Luka 12:4 Iomraidhean Croise

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Yoano 15:13

Kafwako muntu uji na butemwe bwakila buno ne, amba muntu e beelele balunda nanji mweo wanji.

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 4:13

Bino byo bamwene Petelo ne Yoano kasa bachinchika, ne kuyuka amba bajinga bantutu babula kufunda, bakuminye bingi. Kaiji bayukile amba, bajinga ne Yesu.

Filipai 1:28

Ne kulengeshiwa moyo nangwa mu kintu kimo ku bemulwisha ne; a kyo kikekala kwi abo ke kayukilo ka lonaiko, pakuba kwi anweba kikekala ke kayukilo ka lupulukilo, lwafuma kwi Lesa.

Yakoba 2:23

Ne kinembelo kyafikile kyaamba amba, “Abulahama wamwitabijile Lesa, kabiji kyamutongwejilwe amba waoloka.” Ne aye bamutelele amba mulunda na Lesa.

1 Petelo 3:14

Kabiji nangwa mumaname na mambo a bololoke, mwatokwa. Kechi mube moyo na mambo a abo ne, nangwa kulukusha muchima ne.

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”