Luka 11:4 - KNTP

⁴ Kabiji mwitulekeleko mambo etu, mambo atweba bene twibalekela bonse betulenga mambo. Kabiji kechi mwitutwale mu lweseko ne.”

Luka 11:4 Iomraidhean Croise

Mateo 18:35

“Mo monka mo bakemuubila Bataata baji mwiulu umvwe ne kwibalekela balongo benu mambo abo mu michima yenu ne.”

Mateo 26:41

Labainga ne kulomba, kuchiina amba mwakatwela mu lweseko. Kine muchima waswa, pakuba mubiji wanekena.”

Luka 11:5

Kabiji aye wibambijile amba, “Lelo nanchi ng'anyi mukwenu uba umvwe uji na mulunda nanji waya ko aji pakachi ka bufuku, ne kumwambila amba, mulunda nami, mpaipo bashinkwa basatu.

Luka 13:4

Nangwa aba jikumi ne batanu na basatu bo kyaponejile kyamba kya Shiloma ne kwibepaya? Mwalanguluka amba, bakizhizhemo kutama kukila bonse baikalanga mu Yelusalema nyi?

Luka 22:46

Ne aye wibambijile amba, “Mwalajila ka? Bukai lombainga kuchiina amba mwakatwela mu lweseko.”

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Yoano 17:15

Kechi nalomba namba mwibafumye pano pantanda ne, poso namba mwibalame kwi yewa mubi.

1 Kolinda 10:13

Kafwako lweseko lwimufikila lo babula kumona bantu bakwabo ne. Mambo Lesa ye wakishinka kechi ukemuleka amba, mumone lweseko lwakila pa bulume bwenu ne, bino mu lweseko ukemumwena jishinda ja kupulukilamo, amba mumone mwa kwilukonshesha.

Kolose 3:13

Kasa mwitekenya anweba bene na bene, ne kwilekelako mambo, umvwe umo uji na mambo na mukwabo. Monka mo emulekejile mambo Nkambo, momo mwafwainwa kuubila ne anweba.

2 Tesalonika 3:3

Bino Nkambo ye wakishinka, kabiji ukemukosesha bulongo ne kwimulamwina kwi aye mubi.

2 Timoti 4:18

Aye Nkambo ukampokolola ku mingilo yonse yatama, kabiji ukapulusha ne kumfikizha ku bufumu bwanji bwa mwiulu. Kwi aye kwikale lukumo myaka ne myaka. Amena.

Yakoba 2:13

Mambo kuchiba mambo kukekala kwakubula lusa kwi yewa ubula kwibobila lusa bakwabo. Lusa lushinda luzhachisho.

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.