Luka 11:19 - KNTP

¹⁹ Kabiji umvwe mpangamo bademona na bulume bwa Belezebuba, nanchi baana benu bebapangamo na bulume bwa kwa ng'anyi? Onkao mambo kyo kyo basakwikajila ke ba mitonyi benu.

Luka 11:19 Iomraidhean Croise

Mateo 10:25

Kyamuwamina awa ye bafunjisha kufika pa kipimo kya yewa umufunjisha, ne muzha naye afike pamo nobe nkambo yanji. Umvwe bamunenene mwina nzubo amba Belezebuba, kechi bakakizhepo kwibanena ba munzubo yanji nenyi?

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Luka 19:22

Ne aye wamwambijile amba, ‘Obewa kalume watama! Nkakuchibila mambo obe monka mwayila byambo byobe. Obewa wayukile amba amiwa nashinta, nsenda byo nabujile kufya ne kunowa byo nabujile kubyala.

Luka 9:49

Yoano wamukumbwile amba, “Nkambo, twamwene muntu kasa apangamo bademona mu jizhina jenu, kabiji twaesekele kumukanya, mambo kechi witulondela atweba ne.”

Byubilo 19:13

Kabiji bamo Bayudea bang'anga ba lubuko bonka bapitang'enenga, batatwile abo bene kutela jizhina ja Nkambo Yesu pa bajinga na bapashi babipa amba, “Nemukambizha mwi Yesu ye asapwila Paulo.”

Loma 3:19

Bino twayuka namba byonse byaamba Mizhilo ibambila baji mu Mizhilo, amba bulaka bwibashinke bonse ne ba pano pantanda bonse bafwe nao kwi Lesa.