Luka 10:41 - KNTP

⁴¹ Aye Nkambo wamukumbwile amba, “Maata, Maata! Obewa wabambisha muchima ne kutabankana na byavula,

Luka 10:41 Iomraidhean Croise

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 10:38

Byo bayilenga, aye watwelele mu muzhi umo, ne mwanamukazhi umo jizhina janji Maata, wamutambwijile mu nzubo yanji.

Luka 10:40

pakuba Maata watabankene na mingilo; kabiji waishile kwamba amba “Nkambo, kechi mwatako muchima aye mulongo wami byo andekela mingilo bunke bwami nenyi! Mwambilai eye ankwasheko.”

Luka 12:22

Kabiji aye wibambijile baana banji babwanga amba, “Onkao mambo kyokyo nemwambila namba, kechi mubambishe muchima na mweo wenu na byomukaja, nangwa na bivwalo bya mibiji yenu ne.

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Yoano 11:1

Kabiji kwajinga muntu wakolelwenga, jizhina janji Lazalasa, mwina Betani, muzhi mwaikalanga Maliya ne Maata mulongo wanji.

Yoano 11:5

Yesu watemenwe Maata ne Maliya mulongo wanji ne Lazalasa.

Yoano 12:2

Konkakwa bamutekejile ne kajo ka mulajilo, ne Maata ye wanengezhezhenga kajo, Lazalasa wajinga umo wa mu boba baikajile ne Yesu na kuja.

Filipai 4:6

Kechi mubambishe michima yenu nangwa mu kintu kimo ne, pakuba mu bintu byonse kasa musolola kwi Lesa byo musaka monka mu milombelo, ne mu misashijilo ne mukuuba sante pamo.