Luka 10:22 - KNTP

²² “Bataata bampele amiwa bintu byonse, kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Luka 10:22 Iomraidhean Croise

Mateo 11:25

Pa kyonkakya kimye Yesu wa ambile amba, “Nemutota anweba Taata, Nkambo wa mwiulu ne wa pano panshi, mambo mwibifiile bino bintu ku bamaana ne ku bamilangwe, ne kwibisolola ku baana ba bacheche.

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 10:15

Monka mwangyukila bataata amiwa, ne amiwa nebayuka bataata, ne amiwa neyelela mikooko mweo wami.

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 17:10

Kabiji ne byonse byami byo byenu, ne byenu byo byami, kabiji ne amiwa natumbijikilwa mwi abo.

Yoano 17:2

Mambo mwamupele luusa lwa pa bantu bonse, pakuba amba akapane bumi bwa myaka ku bonse bo mwamupele.

Yoano 17:26

Ne amiwa nebayukisha jizhina jenu, kabiji nkejiyukanyikisha namba butemwe bo mwantemwa amiwa bwikale mwi abo, ne amiwa monka mwi abo.”

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Yoano 3:35

Shanji watemwa Mwananji, kabiji wabiika byonse mu maboko anji.

1 Kolinda 15:24

Ponkapo ke kumpelo, Kilishitu byo akapwisha konauna bufumu bonse, ne luusa lonse, ne bulume bonse, ukafikizha bufumu kwi Lesa Taata.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Efisesa 1:21

Kupitaila kwine kwapela bufumu bonse, ne luusa lonse, ne bulume bonse, ne bunkambo bonse, ne mazhina onse atelwa, kechi onka apa ino ntanda ne, ne apa ikeya kulutwe.

Bahebelu 2:8

kabiji mwamupele luusa lwa pa bintu byonse.” Kyaambiwa amba Lesa wamupele “luusa lwa pa bintu byonse;” kechi kwashajilepo nangwa kimo kyo abujile kwikalapo na luusa ne. Bino tukyangye kumona bintu byonse kasa byaikajikwa mu luusa lwanji.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

2 Yoano 1:9

Bonse baya kulutwe ne kwikala monka mu mafunjisho a Kilishitu ne, kechi baji na Lesa ne. Awa waikala mu mafunjisho ye uji ne Taata ne Mwana.