Luka 10:20 - KNTP

²⁰ Nangwa byonkabyo kechi musekele mambo bademona bemukookela ne, sekelai mambo mazhina enu anembwa mwiulu.”

Luka 10:20 Iomraidhean Croise

Mateo 10:1

Kabiji wibechile baana banji babwanga jikumi na babiji ko aji, ne kwibapa luusa lwa kupangamo bapashi babipa, ne lwa kubuka bikola bya misango yonse ne bulema bwa misango yonse.

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Mateo 27:5

Ne aye watayile mali mu nzubo yazhila ya Lesa kabiji wafuminemo wakekujikile mwine.

Filipai 4:3

Ee kine, na kusashijila ne obewa mukwetu wa kine mu mwingilo namba, mwi bakwashe bano banabakazhi, mambo baingijilenga kyakosa bingi pamo ne amiwa mu Mambo Awama, pamo ne Kilemente, ne bonse bakwetu bamwingilo bona bula kutongola mazhina abo, baji na mazhina abo mu buku wa bumi.

Bahebelu 12:23

Ne ku kukonkana kwa bonse ne ku kipwilo kya babeji banembwa mwiulu. Ne kwi Lesa uchiba mambo a bonse ne ku mipashi ya bantu baoloka balumbululwa.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.