Luka 10:2 - KNTP

² Ne aye wibambijile amba, “Bujimi bwa kunowa bwabayisha, pakuba bamingilo bakepa. Onkao mambo lombai ku mwina bujimi atume bakwingila mu bujimi bwanji.

Luka 10:2 Iomraidhean Croise

Mateo 20:1

Mambo bufumu bwa mwiulu bwapashang'ana na muntu mwina nzubo wakelejile lukelo na kumona bamingilo ba kwingila mu bujimi bwanji bwa ming'anzang'anza.

Mako 13:34

Kyapasha nobe muntu waya pa lwendo, upana luusa pa nzubo yanji ku bakalume banji, au mwingilo wanji au wanji, ne kukambizha malonda wakulama kibelo kulaba ne kukenkenta.

Mako 16:15

Ne aye wibambijile amba, “Yainga pantanda ponse, mukasapwile Mambo Awama ku bilengwa byonse.

Mako 16:20

Baana babwanga bayile na kusapwila konse konse, ne Nkambo waingijilenga naabo mukufikizha ne kwikajika aa mambo na biyukilo bya londankene na byambo byabo.

Luka 9:1

Aye wibechile ba jikumi ne babiji ne kwibapa bulume ne luusa pa bonse bademona ne lwa kubuka bikola,

Byubilo 11:19

Kabiji abo bapalang'ene na mambo a bya malwa byabuukile pe Setepena bayile bakafikile ne ku Finesha, ne ku Kipilusa, ne ku Antioka, ne kwamba mambo ku bangi nangwa umo ne, kana ku Bayudea bonka.

Byubilo 13:2

Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”

Byubilo 13:4

Abo byo bebatumine ku Mupashi Wazhila, Banabasa ne Saulo bayile ku Selukya, pa kufumako bayile na bwato ku Kipilusa.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 22:21

Kumvwa aye wang'ambijile amba yanga, mambo amiwa nkakutuma kwalepa ku Bangentila.”

Byubilo 8:4

Kabiji aba bapalang'enejilemo bayilenga na kusapwila Mambo Awama.

1 Kolinda 12:28

Kabiji aye Lesa watongwele mu kipwilo batanshi batumwa, ba bubiji bangauzhi, ba busatu bafunjishi, kabiji ke bamingilo ya bulume, kabiji ke ba bya bupe bya kubuka bikola, kabiji ne ba bukwasho, kabiji ke bamaana a kulama bantu, ne bamba misango ne misango ya njimi.

1 Kolinda 15:10

Pakuba na bupe bwa Lesa, amiwa naikala byonji lelo, ne bupe bwanji bo ampele kechi bwaji bwatu ne, bino naingijilenga kwibakila bonse, byonkabyo kechi na bulume bwami ne, poso bupe bwa Lesa buji ne amiwa.

2 kolinda 6:1

Kabiji byo twingila pamo ne Lesa, twimusashijila namba, kechi mutambule bupe bwa Lesa ke bwatu ne.

Filipai 2:21

Bonse bakwabo bateesha michima yabo ku byo basaka kuuba abo bene kechi ku bintu bya kwa Yesu Kilishitu ne.

Filipai 2:25

Nalanguluka namba kyafwainwa kwimutumina Epafulodita mulongo wami mu mwingilo, kabiji mukwetu mu bushilikale, ye muluwe wenu kabiji aye unkwasha mu bya kukajilwa kwami.

Filipai 2:30

mambo waji pepi kufwa mambo a mwingilo wa Kilishitu, ne kupana mweo wanji amba engile akya kyo mwabujile kukonsha kuuba anweba pa mingilo yenu ya kung'ingijila amiwa.

Kolose 1:29

Kyo kyo ng'ingijila kyakosa kasa na kolomokatu, monka mwayila kwingila kwa Kilishitu koengila mwi amiwa na bulume.

Kolose 4:12

Epafalasa mulongo wenu, kalume wa Kilishitu Yesu, wimwimuna. Bimye byonse aye wimulukuchila mu milombelo yanji amba, mwikale bashikamatu, bakoma mu lwitabilo monse mwaswila muchima wa Lesa.

Tesalonika 2:9

Mambo anweba bakwetu, mwayuka mingilo yetu yakosa ne malwa etu byo twimusapwijile Mambo Awama a Lesa, kasa twingila bufuku ne mute kuchiina amba, twakeya kwimukatazha pa kwitumwena mwa kwikeela.

Tesalonika 5:12

Kabiji anweba bakwetu twimusashijila namba, kasa mwi banemeka a ba bengila kyakosa mwi anweba, bo bemulama mwi Nkambo ne kwi mufunjisha.

2 Tesalonika 3:1

Kyapelaako, anweba bakwetu, kasa mwitulombelela atweba, mambo a Nkambo ayenga kulutwe kwakubula kya kwiakanya ne, atumbijikwe monka mo obila ne mwi anweba.

1 Timoti 4:10

Mambo na onka ano mambo o twingijisha kyakosa kasa twakolomokatu, mambo luketekelo lwetu luji mwi Lesa mumi, ye Mupulushi wa bantu bonse, pakuba baitabila bo bene.

2 Timoti 4:5

Pakuba obewa wikale watekanya mu bintu byonse, kasa ukosa mu bya malwa, ne kwingila mwingilo wa busapwishi bwa Mambo Awama, ne kupwisha bulongo mingilo yobe.

Filemonyi 1:1

Paulo, kaili wa Kilishitu Yesu, ne Timoti mulongo wetu. Kwi Filemonyi mutemwe ne mukwetu mu mwingilo umo,

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Lumwekesho 2:1

“Kwi aye malaika wa mu kipwilo kya mu Efisesa unembe amba; “Aye wakwata tubangabanga tutanu na tubiji mu kuboko kwanji kwa kilujo, ye upitang'ana mukachi ka bitulwapo malampi bya ngolode bitanu na bibiji, wa amba bino amba,