Luka 1:70 - KNTP

⁷⁰ Byonka byo a ambile pa kanwa ka bangauzhi banji bazhila kufuma kukala.

Luka 1:70 Iomraidhean Croise

Mako 12:36

Davida mwine, wa ambile na Mupashi Wazhila amba, “‘Nkambo wa ambijile Nkambo yami amba, Ikala ku kilujo kyami, Poso ngalule balwanyi bobe munshi ya maulu obe.’

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Byubilo 28:25

Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu!

Loma 1:2

Mambo Awama o alayile aye Lesa kala mu bangauzhi banji, mu binembelo byazhila.

Bahebelu 3:7

Onkao mambo byonka, byaamba Mupashi wa Wazhila amba, “Ja lelo umvwe mwaumvwa jiwi ja Lesa,

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.

2 Petelo 3:2

Namba muvulukenga byambo byaambilwe kala ku bangauzhi bazhila, ne mukambizho wa Nkambo Mupulushi kupichila mu batumwa benu.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.