Loma 9:7 - KNTP

⁷ Nangwa na mambo a kusemwa kwi Abulahama kechi bonse bo baana banji mwayila mulaye wa Lesa ne. Mambo kinembelo kyaamba amba, “Bakasemwa mwi Izaka bo bakatelwa ke baana bobe” mwayila mulaye.

Loma 9:7 Iomraidhean Croise

Mateo 3:9

Kechi mulanguluke mu michima yenu amba, muji na shenu Abulahama ne. Pakuba amiwa nemwambila namba, Lesa wakonsha kwalula ano mabwe ke baana ba Abulahama!

Luka 16:30

Ne aye munonshi amba, ‘Ine, taata Abulahama, inge kuye umo wafuma mu bafu, bakalapila.’

Luka 3:8

Byonkabyo pangai bipangwa byafwainwa lulapilo. Kabiji kechi mulanguluke mu michima yenu amba, ‘Tuji na shetu Abulahama ne.’ Pakuba amiwa nemwambila namba, Lesa wakonsha kwalula ao mabwe ke baana ba Abulahama.

Yoano 8:33

Kumvwa abo bamwambijile amba, “Atweba twi ba mukisemi kya kwa Abulahama, tukyangye kunonkwapo buzha ku muntu nangwa umotu ne. Anweba ki ka kyo mwa ambila amba, mukekala ke baana ba bene?”

Ngalatiya 4:23

Byonkabyo awa mwana wa muzha wasemenwe mwayila buntunshi. Pakuba awa wasemenwe mu mwana bene yewa mu mulaye.

Ngalatiya 4:28

Kabiji anweba bakwetu, anweba mwi baana bamulaye, pamo byonka byo ajinga Izaka.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

Bahebelu 11:18

Ye ye ba ambijile kwi Lesa amba, “Mwi Izaka momo ikatelelwa nkunwa yobe.”