Loma 9:1 - KNTP

¹ Naamba kya kine mwi Kilishitu; kechi nabepa ne. Ne jiwi ja mu muchima wami jibena kungitabizha pamo ne aye Mupashi Wazhila,

Loma 9:1 Iomraidhean Croise

Loma 1:9

Mambo Lesa ye kamonyi wami, ye mbena kwingijila na mupashi wami mu Mambo Awama a Mwananji, byo mbula kuzhikilwa kwi muvuluka

Loma 2:15

Mambo bamwesha byatongola Mizhilo byo byanembwa mu michima yabo kabiji ne jiwi ja mu michima yabo kasa jitaba, ne milanguluko yabo kasa ibazhachisha nangwa kwibabingisha.

Loma 8:16

Aye Mupashi mwine ushimuna pamo na mipashi yetu amba twi baana ba Lesa.

Loma 9:2

byonji na bulanda bukatampe ne musongo ubula kuchibika mu muchima wami.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

2 kolinda 1:23

Kabiji namwita Lesa namba ekale kamonyi wa bya mu muchima wami! Namba kimuwamijile anweba amiwa byo nabujile kwiya ku Kolinda.

2 kolinda 11:10

Monka mo bwaikela bukine bwa Kilishitu mwi amiwa, kafwako ukankaanya kuno kwitota kwami mumande a mu kyalo kya Akaya ne.

2 kolinda 11:31

Lesa ne Shanja Nkambo Yesu, ye utotwa myaka ne myaka, wayuka byo nabula kubepa.

2 kolinda 12:19

Apo anweba kampe mubena kulanguluka amba, tubena kwamba bya kwiwamisha atweba bene kwi anweba ne mu kino kimye? Kabiji ko ku meso a Lesa ko twambila mwi Kilishitu. Pakuba anweba batemwe, bintu byonse byo bya kwimukomesha.

Ngalatiya 1:20

Kabiji mambo a bino bintu byo mbena kwimunembela, aye Lesa wayuka amba kechi mbena kubepa ne.

Filipai 1:8

Lesa ye kamonyi wami byo nemusakisha anweba bonse na butemwe bwa Kilishitu Yesu.

Tesalonika 2:5

Mambo kechi twatainwe na kwamba byambo bya mulambisha nangwa jimotu ne, ne anweba bene mwayuka, nangwa kwamba byambo amba tumwenemo bintu ne, Lesa ye kamonyi wetu.

1 Timoti 1:5

Uno mukambizho wayila mu butemwe bufuma mu muchima watoka, ne mu muchima ubula kwizhachisha, ne mu lwitabilo lwabula bujimbijimbi.

1 Timoti 2:7

Oo natongwejilwe amba, ngikale musapwishi ne mutumwa (Naamba bya kine, kechi nabepa ne,) wa kufunjisha Bangentila mu lwitabilo ne mu bukine.

1 Timoti 5:21

Na kukambizha obewa ku meso a Lesa, ne a Kilishitu Yesu, ne a bamalaika basalululwa, namba ulame bino bintu kwa kubula kuchibila jimo mambo mu muchima, ne kuuba kintu nangwa kimo kya kutala ku kilungi kya muntu ne.