Loma 8:9 - KNTP

⁹ Pakuba anweba kechi muji mu buntunshi ne poso mu Mupashi, umvwe Mupashi wa Lesa waikala kine mwi anweba. Kabiji umvwe muntu wabula Mupashi wa Kilishitu, kechi ye wa kwanji ne.

Loma 8:9 Iomraidhean Croise

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Yoano 14:17

Ye Mupashi wa bukine, ye babula kukonsha kutambula ba pano pantanda, mambo kechi bamumona ne, nangwa kumuyuka ne. Anweba mwamuyuka, mambo aye wikala nenu, kabiji ukekalanga mwi anweba.”

Yoano 14:23

Yesu wamukumbwile amba, “Inge muntu wantemwa, ukalama byambo byami ne bataata bakamutemwa, ne atweba tukeya ko aji, ne kwikala monka mwi aye.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Yoano 3:6

Akya kyasemwa ku buntunshi bo buntunshi, ne akya kyasemwa ku Mupashi ye mupashi.

Byubilo 16:7

Kabiji byo bafikile ku Misha, baesekele kutwela mu Bitinya, bino Mupashi wa Yesu kechi wibaswishishe ne.

Loma 7:5

Mambo byo twakijinga mu buntunshi, bya kusakasaka byetu bya bundengamambo byo bebibushishe ku Mizhilo, byaingijilenga mu bya mibiji yetu na kupanga bipangwa bileta lufu.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:11

Mambo umvwe Mupashi wa yewa wasangwile Yesu mu bafu waikala mwi anweba, yenkawa wasangwile Kilishitu Yesu mu bafu ye ukapana bumi ku mibiji yenu ya lufu kupichila mu Mupashi wanji waikala mwi anweba.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 15:23

Bino luno lusanguko luji na ndonda, Kilishitu ye wa nsomo, apa bino ke boba ba kwa Kilishitu pa kukeya kwanji.

1 Kolinda 3:16

Nanchi kechi mwayuka amba, mwi nzubo ya Lesa kabiji Mupashi wa Lesa waikala mwi anweba nenyi?

1 Kolinda 6:17

Pakuba aye walamankana ne Nkambo waikala ke mupashi umo ne aye.

1 Kolinda 6:19

Nanchi kechi mwayuka amba, mibiji yenu yo nzubo yazhila ya Mupashi Wazhila, uji mwi anweba ye mwatambula kwi Lesa nenyi? Kechi mwinonka anweba bene ne;

2 kolinda 10:7

Talai kubiji ku meso enu. Umvwe muntu wiketekela amba, ye wa kwa Kilishitu, alanguluke jibiji mu muchima wanji kino amba, byonka byo anji wa kwa Kilishitu, aye ne atweba byonkabyo twibakwa Kilishitu.

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

Ngalatiya 4:6

Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 1:13

Kabiji ne anweba mwaumvwine Mambo a Bukine, o Mambo Awama a lupulukilo lwenu. Kabiji byo mwaitabijile Kilishitu mwabikilwe kayukilo, ye Mupashi Wazhila wa mulaye.

Efisesa 2:22

Mwi aye ne anweba mwashimikwa monka amba mwikale ke kya kwikalamo Lesa na Mupashi.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Filipai 1:19

mambo nayuka namba kupichila mu milombelo yenu ne na bukwasho bwa Mupashi wa Yesu Kilishitu kino kikekala ke bupokolweshi bwami,

2 Timoti 1:14

Akya kyawama kyo wapelwe, wikilame na Mupashi Wazhila waikala mwi atweba.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

1 Yoano 3:24

Kabiji aye ulama mikambizho yanji ye waikala mwi aye, ne aye mwi abo. Monka muno mo twayukila amba waikala mwi atweba, na Mupashi ye etupeele.

1 Yoano 4:13

Muno mo motwayukila namba twaikala mwi aye ne aye mwi atweba, mambo witupa Mupashi wanji.

1 Yoano 4:4

Anweba twana, mwi bakwa Lesa kabiji mwibashinda, mambo awa uji mwi anweba wamukila awa uji mu ba pano pantanda.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.