Loma 8:7 - KNTP

⁷ Mambo muchima wata ku buntunshi washikwa Lesa mambo kechi unekenena Mizhilo ya Lesa ne, kine kechi wakonsha kwiinekenena ne.

Loma 8:7 Iomraidhean Croise

Mateo 12:34

Anweba kisaka kya milolo, mukonsha byepi kwamba byawama byo muji babi! Pakuba monka mo byayujila mu muchima ne kanwa kambila monka.

Mateo 5:19

Byonkabyo awa ukazhilulula kamo ka tuno tumikambizho tucheche, ne kwibafunjisha bakwabo nabo kwikazhilulula bakamutela amba, ye mucheche mu bufumu bwa mwiulu. Kabiji awa uketulama ne kwibafunjisha bakwabo nabo kwitulama bakamutela amba, ye mukatampe mu bufumu bwa mwiulu.

Yoano 7:7

Ba pano pantanda kechi bakonsha kwimushikwa anweba ne, pakuba amiwa banshikwa, mambo mbena kwibashiina namba, mingilo yabo yatama.

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

Loma 1:30

ne ba mwenga, ne bamushikwa Lesa, ne ba misuula, ne benemeka bene, ne belundumika, ne betota, ne baleeta byabipa, ne balengulula bebasema;

Loma 3:31

Nanchi atweba tonauna Mizhilo na lwitabilo nyi? Ine kabiji, abyo ne, twaikajika Mizhilo.

Loma 5:10

Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji!

Loma 7:22

Mambo nasekela mu Mizhilo ya Lesa mu muntu mwine wa mukachi.

Loma 8:4

Amba byaoloka byatongola Mizhilo bifikizhiwe mwi atweba, tubula kwenda mwayila buntunshi, twenda mwayila Mupashi.

1 Kolinda 2:14

Kabiji muntu wabula Mupashi, kechi utambula bya Mupashi wa Lesa ne, mambo kechi byo bya maana kwi aye ne. Kabiji kechi wakonsha kwibiyuka ne, mambo kumvwisha kukebewa na bukwasho bwa Mupashi wa Lesa.

1 Kolinda 9:21

Kabiji kwi abo babula mizhilo, naalukile nobe wabula mizhilo, bino kechi nabujile mizhilo kwi Lesa ne, najinga monka mu mizhilo ya Kilishitu, namba mmwenemo babula mizhilo.

Kolose 1:21

Ne anweba, kala mwajingatu bangi kabiji mwajinga balwanyi mu michima yenu ne mu mingilo yenu yabiipa.

Kolose 2:18

Kechi muleke muntu emulengeshe kubulwa mpasela ne, na mambo a kwipelula kwanji ne kupopwela bamalaika. Kasa akoselapotu pa bimwesho byo amwene, ne kwilundumika na muchima wanji wa buntunshi

2 Timoti 3:4

bakamfutumfutu, ba lupata lwakuuba bibi, belundumika, batemwa bya lusangajiko, ne kutemwa Lesa ne;

Bahebelu 8:10

Mambo luno lo lulayang'ano lo nkalenga na ba mu kikota kya bena Isalela mu oa moba, byo byaamba aye Nkambo. Amiwa nkabika Mizhilo yami mu milangwe yabo ne kwiinemba pa michima yabo. Amiwa nkekala ke Lesa wabo, ne abo bakekala ke bantu bami.

Yakoba 4:4

Anweba bankende! Kechi mwayuka amba bulunda na bya pano pantanda bo bulwanyi ne Lesa nenyi? Byonkabyo awa usaka kwikala ke mulunda na bya pano pantanda wialula mwine ke mulwanyi ne Lesa.

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.