Loma 8:3 - KNTP

³ Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 8:3 Iomraidhean Croise

Mako 15:27

Kabiji bamupopele pamo na batupondo babiji, umo ku kilujo ne mukwabo ku kipiko.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 9:24

Ponkapo abo bamwichile jibiji awa wajinga mpofu, ne kumwambila amba, “Tumbijika Lesa, atweba twayuka namba awo muntu ye ndengamambo.”

Byubilo 13:39

Kabiji mwi aye, bonse baitabila ba bingishiwa ku byonse byakankelwe kwibabingisha ku Mizhilo ya Mosesa.

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Loma 7:18

Mambo nayuka namba mwi amiwa, kokuuba amba, mu buntunshi bwami, kechi mwaikala nangwa kimo kyawama ne, mambo muchima wa kwikyuba njinanji, bino nkankalwa mwa kwikyubila akya kyawama.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

Loma 9:3

Mambo inge kyakonshekele inge nasaka namba, mmfingwe mafingo ne kuchibiwako kwi Kilishitu na mambo a bakwetu, balongo bami ku mubiji bena Isalela.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Ngalatiya 3:21

Nanchi kabiji mizhilo ilengulula milaye ya Lesa nyi? Ine kabiji akyo ne, mambo umvwe kwapainwe muzhilo wayuka kupana bumi, inge kine kabiji bololoke bwaishijile mu mizhilo.

Filipai 2:7

Bino wialwile mwine ke waatu, pa kutambula musango wa buzha, ne kusemwa mu kipasha kya bantu.

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 10:14

Mambo na mulambo umo aye wibalumbulula kikupu aba bazhijikwa.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

Bahebelu 4:15

Mambo kechi tuji na Ng'anga mukatampe wabula kukonsha kumvwa kunekena kwetu ne, kana umo waesekelwe mu mashinda onse pamo ne atweba, bino kechi walengele mambo ne.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.