Loma 8:2 - KNTP

² Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

Loma 8:2 Iomraidhean Croise

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 6:63

Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi.

Yoano 8:32

ne anweba mukebuyuka bukine, ne abo bukine bukemukasulula ke baana ba bene.”

Yoano 8:36

Byonkabyo inge aye Mwana wimukasulula, abya mukekala bakasuluka kine.

Loma 16:3

Bemunai ba Pilisila ne Akwila, bakwetu bo ng'ingila naabo ba mwi Kilishitu Yesu;

Loma 3:27

Lelo kabiji kwitota kwetu kuji pi? Kafwako! Kabiji ng'anyi mambo? Na ng'anyi muzhilo? Wa mingilo nyi? Ine, poso na muzhilo wa lwitabilo.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 6:14

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Loma 6:18

Kabiji pa kukasululwa ku bundengamambo mwa aluka ke bazha ba bololoke.

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 7:21

Byonkabyo namona muzhilo wakuuba amba, byo nsaka kuuba kyawama bubi bwankosela.

Loma 7:23

Bino namona mu bya mubiji wami muzhilo mukwabo ungi ubena kulwa na muzhilo wa mu muchima wami ne kuntwala mu buzha bwa muzhilo wa bundengamambo waikala mu bya mubiji wami.

Loma 7:4

Byonkabyo anweba bakwetu, ne anweba mwafwile ku Mizhilo monka mu mubiji wa Kilishitu, amba musongolwe ku ungi, yenkawa wasangwilwe mu bafu, amba tumupangile Lesa bipangwa.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

2 kolinda 3:17

Bino “Nkambo” ye Mupashi; kabiji kuji Mupashi wa Nkambo, ko kuji ne bwana bwa bene.

2 kolinda 3:6

ye witulenga amba tukonshe kwikala ke bamingilo ba mu lulayang'ano lupya, kechi ba binembelotu ne, nanchi na Mupashi wa Lesa. Mambo binembelotu bipayang'ana, pakuba Mupashi upana bumi.

Ngalatiya 2:19

Mambo mo mu Mizhilo mo nafwijile ku Mizhilo namba, ngikale na bumi mwi Lesa. Napopelwe pa musalabu pamo ne Kilishitu,

Ngalatiya 5:1

Na mambo a bwana bwa bene kyo kyo etukasulwijile Kilishitu. Onkao mambo mwikale bakosa amba, kechi mubwele ku kikonkoji kya buzha ne.

Ngalatiya 6:2

Isendelaingako bisendwa anweba bene na bene, byonkabyo mukafikizha muzhilo wa Kilishitu.

Yakoba 1:25

Pakuba aye utajijisha mu mizhilo yalumbuluka, ya bwana bwa bene, kabiji aye kechi umvwatu ne kuvulama ne, byo abula kwikala wa kumvwatu kwakubula kuvulama ne poso kwiyuba, ukekala watokwa monka mukuuba kwanji.

Lumwekesho 11:11

Kabiji pakupita ao moba asatu ne ja kupelelezha pakachi, mupashi wa bumi kufuma kwi Lesa watwelele mwi abo, ponkapo baimene, ne moyo mukatampe wibakwachile bonse bebamwene.

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,