Loma 8:10 - KNTP

¹⁰ Bino inge Kilishitu uji mwi anweba, nangwa mubiji wafwa na mambo a bundengamambo, aye Mupashi bo bumi bwenu na mambo a bololoke.

Loma 8:10 Iomraidhean Croise

Yoano 14:23

Yesu wamukumbwile amba, “Inge muntu wantemwa, ukalama byambo byami ne bataata bakamutemwa, ne atweba tukeya ko aji, ne kwikala monka mwi aye.

Yoano 15:5

Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Yoano 17:23

Amiwa monka mwi abo, ne anweba mwi amiwa, namba balumbuluke ke umo, namba ba pano pantanda bayuke amba, yenu mwantumine, ne kwibatemwa abo byonka byo mwantemwa amiwa.

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Yoano 6:54

Awa uja ku mubiji wami, ne kutoma mashi ami, ye uji na bumi bwa myaka, ne amiwa nkamusangula mu juba jikapelaako.

Yoano 6:56

Awa uja ku mubiji wami ne kutoma mashi ami ye uji mwi amiwa, ne amiwa nji mwi aye.

Loma 5:12

Byonkabyo, bundengamambo byo bwatwelele pano pantanda ku muntu umo, ne lufu nalo lwatwelele na bundengamambo, kabiji byonkabyo ne lufu lwakumbene ku bantu bonse, mambo bonse balengele mambo.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 8:11

Mambo umvwe Mupashi wa yewa wasangwile Yesu mu bafu waikala mwi anweba, yenkawa wasangwile Kilishitu Yesu mu bafu ye ukapana bumi ku mibiji yenu ya lufu kupichila mu Mupashi wanji waikala mwi anweba.

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

2 kolinda 13:5

Ipimai anweba bene, mumone kana muji mu bwikalo bwa mu lwitabilo, mwipime anweba bene. Nanchi anweba bene kechi mwiyuka amba Yesu Kilishitu uji mwi anweba nenyi? Kana apo kampe mwakankalwa kulumbuluka.

2 kolinda 4:11

Mambo atweba nangwa twi bomi tupanwa moba onse ku lufu pa mambo a Yesu, amba ne bumi bwa Yesu nabo bumwekele mu mibiji yetu ya lufu.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Filipai 1:23

Bantabakanya ku bintu bibiji. Byo nasaka kuya na kwikala ne Kilishitu, mambo kino kyakijisha mu kuwama;

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Tesalonika 4:16

Mambo Nkambo mwine ukekila mwiulu na mbila, na jiwi ja malaika mwine mukatampe, ne na ntolompita ya Lesa. Ne bafu ba mwi Kilishitu bakasanguka patanshi.

Bahebelu 12:23

Ne ku kukonkana kwa bonse ne ku kipwilo kya babeji banembwa mwiulu. Ne kwi Lesa uchiba mambo a bonse ne ku mipashi ya bantu baoloka balumbululwa.

Bahebelu 9:27

Kabiji byonka byo kibatongwelwa bantu kufwa jimo jonka bino palutwe kuya ku kije.

Lumwekesho 14:13

Kabiji naumvwine jiwi kufuma mwiulu amba, “Nemba amba, batokwa bafu bafwila mwi Nkambo kufuma ku jino juba ja lelo!” Ne aye Mupashi wa ambile amba, “Ee kine, bakakokoloke ku mingilo yabo yakosa, mambo byubilo byabo bibalondela.”