Loma 8:1 - KNTP

¹ Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:1 Iomraidhean Croise

Yoano 14:20

“Mu joja juba anweba mukayuka byo nji mwi bataata, ne anweba mwi amiwa, ne amiwa monka mwi anweba.”

Yoano 15:4

Ikalainga mwi amiwa, ne amiwa mwi anweba. Musampi kechi wakonsha kupanga bipangwa bunke bwanji ne, poso waikala mu mung'anzang'anza. Ne anweba pamo, poso mwikale mwi amiwa.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Loma 16:3

Bemunai ba Pilisila ne Akwila, bakwetu bo ng'ingila naabo ba mwi Kilishitu Yesu;

Loma 16:7

Bemunai ne ba Andelonyikusa ne Yunyiasa, balongo bami, botwakashilwe naabo pamo, bo bayukanyikwa bulongo ku batumwa, bo batanshi baitabijile mwi Kilishitu, amiwa kasa nkyangye.

Loma 5:1

Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu.

Loma 5:16

Kabiji akya kya bupe kechi kiji pamo ne kyokya kyamwekejile mu bubi bwa yewa muntu umo ne. Mambo bunchiba mambo, bwaishile pa bubi bwa umo bwaletele luzhachisho, pakuba akya kya bupetu, kyaishile pa mizhilulwila yavula kyaletele lubingisho!

Loma 7:17

Byonkabyo nanchi pano kechi ye amiwa mwine nekyuba ne, poso bundengamambo bwaikala mwi amiwa.

Loma 7:20

Pano umvwe akya kyombula kusaka, ikyo kyonguba, nanchi pano kechi amiwa nekyuba ne, poso bundengamambo bwaikala mwi amiwa.

Loma 8:11

Mambo umvwe Mupashi wa yewa wasangwile Yesu mu bafu waikala mwi anweba, yenkawa wasangwile Kilishitu Yesu mu bafu ye ukapana bumi ku mibiji yenu ya lufu kupichila mu Mupashi wanji waikala mwi anweba.

Loma 8:14

Mambo bonse mobavujila bo batangijila ku Mupashi wa Lesa bo baana ba Lesa.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Loma 8:39

nangwa bula bwa mwiulu, nangwa kuzhika kwa panshi, nangwa kilengwa kingi, nangwa kya byepi, nangwa kya byepi, kechi bikakonsha kwitwabanya na butemwe bwa Lesa mwi Kilishitu Yesu Nkambo yetu ne.

Loma 8:4

Amba byaoloka byatongola Mizhilo bifikizhiwe mwi atweba, tubula kwenda mwayila buntunshi, twenda mwayila Mupashi.

Loma 8:9

Pakuba anweba kechi muji mu buntunshi ne poso mu Mupashi, umvwe Mupashi wa Lesa waikala kine mwi anweba. Kabiji umvwe muntu wabula Mupashi wa Kilishitu, kechi ye wa kwanji ne.

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

1 Kolinda 15:22

Mambo bonse byonka byo bafwile kupichila mwi Adama, byo byo bakamwena bumi bonse kupichila mwi Kilishitu.

2 kolinda 12:2

Namuyuka muntu wa mwi Kilishitu, pano papita myaka jikumi na ina, (kana waji mu mubiji, kechi nayuka ne, nangwa wabujilwe mu mubiji, kechi nayuka ne, Lesa yewayuka) ao muntu washikwilwe mu jiulu ja busatu.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Ngalatiya 5:16

Kabiji naamba namba, endai mu Mupashi, abyo kechi mukooba bya lwiso lwa buntunshi ne.

Ngalatiya 5:25

Umvwe twamwena bumi mu Mupashi, twendenga monka mu Mupashi.

Efisesa 1:1

Paulo, mutumwa wa Kilishitu Yesu monka mwayila muchima wa Lesa. Ku bazhijikwa baji mu Efisesa, bakishinka ba mwi Kilishitu Yesu.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.