Loma 7:8 - KNTP

⁸ Bino bundengamambo byo bwamwene mu Mizhilo mwa kwingijila, bwaingijilenga mwi amiwa misango yonse ya kukumbwa. Mambo pakubula Mizhilo bundengamambo bwafwa.

Loma 7:8 Iomraidhean Croise

Mako 7:22

ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama.

Yoano 15:22

Inge kechi naishile na kwibambila ne, inge kechi baji na mambo ne, pakuba pano kechi baji na mwa kwibingishisha ku mambo abo ne.

Yoano 15:24

Inge kechi naubile mwi abo mingilo ibula kuubapo mukwabo ne, inge kechi baji na mambo ne, pakuba pano amiwa ne bataata betumona ne kwitushikwa.

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 4:15

Mambo Mizhilo yo yileta bukaji bwa Lesa, kabiji pabula Mizhilo kechi paji kuzhilulula Mizhilo ne.

Loma 5:20

Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula.

Loma 7:11

Mambo bundengamambo byo bwamwene mwakuubila, bwanjimbaikile na mukambizho, kabiji bwangipaile.

Loma 7:13

Nanchi akya kyawama kyandetejile lufu nyi? Ine kabiji akyo ne! Bwajinga bundengamambo bo bwandetejile lufu ku akya kyawama, pakuba amba bundengamambo busoloke amba bo bundengamambo. Kabiji amba mu mikambizho bundengamambo bumwekeshetu byo bwatamisha.

Loma 7:17

Byonkabyo nanchi pano kechi ye amiwa mwine nekyuba ne, poso bundengamambo bwaikala mwi amiwa.

Loma 7:9

Ne amiwa kala najinga mumi pakubula Mizhilo; pakuba byo aishile mukambizho, bundengamambo bwasangukile.

1 Kolinda 15:56

Bundengamambo ye lumuna wa lufu, ne bulume bwa bundengamambo yo mizhilo.