Loma 7:7 - KNTP

⁷ Kabiji pano tusa kwamba amba ka? Nanchi Mizhilo bo bundengamambo nyi? Ine kabiji, akyo ne. Nangwa byonkabyo, pakubula Mizhilo inge kechi nayukile bundengamambo ne. Mambo umvwe Mizhilo yabujile kwamba amba, “Kechi ukumbwe ne,” inge kechi nayukile mwayila kukumbwa ne.

Loma 7:7 Iomraidhean Croise

Mateo 5:28

Pakuba amiwa nemwambila namba, awa utala mwanamukazhi na lunkumbwa, wauba nanji bukende monka mu muchima wanji.

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 20:16

Aye ukeya ne kwibonauna aba bakalama, ne bujimi ukebupana ku bakwabo.” Byo ba umvwine bino, ba ambile amba, “Abyo ne!”

Byubilo 20:33

Kechi na kumbilwepo siliva nangwa ngolode, nangwa bivwalo bya muntu ne.

Loma 13:9

Mizhilo yaamba amba, “Kechi uba bukende ne, kechi wipayang'ana ne. Kechi wiba ne, kechi ukumbwa ne,” kabiji nangwa kuji muzhilo mukwabo, nangwa wa byepi, yonse yapwila mu kyo kino kyambo, amba, “Ukatemwa mukwenu byonka byo witemwa obewa mwine.”

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 3:5

Bino umvwe bumbulwa koloka bwetu bumwesha bololoke bwa Lesa, tusa kwamba ka? Lelo aye Lesa byo amwesha bukaji pe atweba wabula koloka nyi? (Naambatu mwambila bantu.)

Loma 4:1

Nanchi tusa kwamba ka, namba Abulahama mushakulu wetu, i kika kyo amwenejile mu buntunshi?

Loma 4:15

Mambo Mizhilo yo yileta bukaji bwa Lesa, kabiji pabula Mizhilo kechi paji kuzhilulula Mizhilo ne.

Loma 5:20

Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula.

Loma 6:15

Pakuba pano byepi? Byo twabula kwikala bamu Mizhilo ne, bino twaikala pano mu bupe tulengengatu mambo nyi? Ine kabiji, akyo ne!

Loma 7:11

Mambo bundengamambo byo bwamwene mwakuubila, bwanjimbaikile na mukambizho, kabiji bwangipaile.

Loma 7:13

Nanchi akya kyawama kyandetejile lufu nyi? Ine kabiji akyo ne! Bwajinga bundengamambo bo bwandetejile lufu ku akya kyawama, pakuba amba bundengamambo busoloke amba bo bundengamambo. Kabiji amba mu mikambizho bundengamambo bumwekeshetu byo bwatamisha.

Loma 7:5

Mambo byo twakijinga mu buntunshi, bya kusakasaka byetu bya bundengamambo byo bebibushishe ku Mizhilo, byaingijilenga mu bya mibiji yetu na kupanga bipangwa bileta lufu.

Loma 7:8

Bino bundengamambo byo bwamwene mu Mizhilo mwa kwingijila, bwaingijilenga mwi amiwa misango yonse ya kukumbwa. Mambo pakubula Mizhilo bundengamambo bwafwa.

1 Kolinda 15:56

Bundengamambo ye lumuna wa lufu, ne bulume bwa bundengamambo yo mizhilo.

Efisesa 5:3

Pakuba bulalelale ne bubipisho bonse, ne lunkumbwa, kechi mwibiswe nangwa kwibiteelatu mwenu mo muji ne, mo mwafwainwa bazhijikwa.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Tesalonika 4:5

kechi mu kusakasaka kwa lwiso ne kwa lunkumbwa pamo na Bangentila babula kuyuka Lesa ne.

Bahebelu 7:19

Mambo Mizhilo kechi ya lengejile kintu nangwa kimo kwikala ke kyalumbuluka ne. Bino pano kwasoloka luketekelo lwakila mu kuwama lo tufwenyenyamo kwipi na Lesa.