Loma 7:6 - KNTP

⁶ Pakuba pano atweba twakasululwa ku Muzhilo, byo twafwile ku kyokya kyo twalaminweko. Onkao mambo pano kechi tubena kwingijila mu Mizhilo ya kala yanembwa ne, kana mu bumi bupya bwa Mupashi.

Loma 7:6 Iomraidhean Croise

Loma 1:9

Mambo Lesa ye kamonyi wami, ye mbena kwingijila na mupashi wami mu Mambo Awama a Mwananji, byo mbula kuzhikilwa kwi muvuluka

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

Loma 6:11

Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.

Loma 6:19

(Naambatu mwambila bantu na mambo a kunekena kwa buntunshi bwenu.) Mambo byo mwapaine bya mibiji yenu nobe bazha ku bubipisho ne ku bubi mukuuba bubi. Byonkabyo pano panai bya mibiji yenu nobe bazha ku bololoke mu kuzhijikwa.

Loma 6:2

Ine kabiji, akyo ne! Atweba twafwile ku bundengamambo tukikalemo byepi?

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 6:4

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

Loma 7:1

Kabiji anweba bakwetu mwayuka, mambo mbena kwamba ku bantu bayuka Mizhilo amba, Mizhilo izhijika muntu po akiji mumi.

Loma 7:2

Mambo mwanamukazhi wasongolwa wakaswa na muzhilo ku mwata wanji byo akiji mumi, pakuba umvwe mwata wanji wafwa, wakasululwa ku muzhilo wa masongola.

Loma 7:4

Byonkabyo anweba bakwetu, ne anweba mwafwile ku Mizhilo monka mu mubiji wa Kilishitu, amba musongolwe ku ungi, yenkawa wasangwilwe mu bafu, amba tumupangile Lesa bipangwa.

2 kolinda 3:6

ye witulenga amba tukonshe kwikala ke bamingilo ba mu lulayang'ano lupya, kechi ba binembelotu ne, nanchi na Mupashi wa Lesa. Mambo binembelotu bipayang'ana, pakuba Mupashi upana bumi.

2 kolinda 5:17

Onkao mambo umvwe muntu uji mwi Kilishitu, aye ke mulengwa mupya, bintu bya kala byapichijila, bya aluka ke bipya.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Ngalatiya 6:15

Mambo mukanda yewatu. Nangwa kubulwa mukanda nako ko kwatu. Kana kulengwa kupya kyo kine kintu.

Efisesa 4:24

ne kuvwala bumuntu bupya bwalengwa mu bololoke ne buzhile bwa bukine monka mwaikajila Lesa.

Filipai 3:3

Atweba, yetu bene baji na mukanda wa kine, tupopwela na Mupashi wa Lesa ne kwitotela mwi Kilishitu Yesu ne kubika nangwa pacheche luketekelo mu buntunshi ne.

Kolose 3:10

kabiji mwavwala bu muntu bupya, bo bubena kusangulwa ke bupya mu kumona maana monka mwayila kipasha kya yewa wibulengele.