Loma 7:5 - KNTP

⁵ Mambo byo twakijinga mu buntunshi, bya kusakasaka byetu bya bundengamambo byo bebibushishe ku Mizhilo, byaingijilenga mu bya mibiji yetu na kupanga bipangwa bileta lufu.

Loma 7:5 Iomraidhean Croise

Mateo 15:19

Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga.

Yoano 3:6

Akya kyasemwa ku buntunshi bo buntunshi, ne akya kyasemwa ku Mupashi ye mupashi.

Loma 1:26

Onkao mambo Lesa wibapaine ku muchima wa kusakisha kuuba byatamisha bya bumvu. Mambo banabakazhi babo balekele mobobila bantu na kwikuna.

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 4:15

Mambo Mizhilo yo yileta bukaji bwa Lesa, kabiji pabula Mizhilo kechi paji kuzhilulula Mizhilo ne.

Loma 5:20

Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula.

Loma 6:13

Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke.

Loma 6:19

(Naambatu mwambila bantu na mambo a kunekena kwa buntunshi bwenu.) Mambo byo mwapaine bya mibiji yenu nobe bazha ku bubipisho ne ku bubi mukuuba bubi. Byonkabyo pano panai bya mibiji yenu nobe bazha ku bololoke mu kuzhijikwa.

Loma 6:21

Lelo mu akya kimye ng'anyi bipangwa byo mwamwenejilemo mu byobya bintu? Bimulengesha bumvu pano mambo kumpelo ya byobya bintu ke lufu!

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

Loma 7:23

Bino namona mu bya mubiji wami muzhilo mukwabo ungi ubena kulwa na muzhilo wa mu muchima wami ne kuntwala mu buzha bwa muzhilo wa bundengamambo waikala mu bya mubiji wami.

1 Kolinda 15:56

Bundengamambo ye lumuna wa lufu, ne bulume bwa bundengamambo yo mizhilo.

2 kolinda 10:3

Mambo nangwa twaikala pano panshi kechi tulwa mwayila buntunshi ne.

Ngalatiya 3:10

Mambo bonse mobavujila baketekela mu mingilo ya mu Mizhilo bafingwa mafingo. Mambo kyanembwa amba, “Bafingwa mafingo bonse babula kukelwa mu byonse byanembwa mu buku wa Mizhilo ne kwibyuba.”

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 2:11

Onkao mambo vulukai, amba anweba kala mwajinga Bangentila ku mubiji batelwa amba, “Bambulwa mukanda” kuboba batelwa amba, “Bamukanda” wa ku mubiji, waubiwa na maboko.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Yakoba 1:15

Kabiji lwiso nalo pa kwimita lusema bundengamambo, ne bundengamambo nabo byo bukoma, busema lufu.

Yakoba 4:1

Nanchi makondo ne bulwi bifuma paka mwi anweba? Bifuma monka mu bya kusakasaka byenu bilwa na bya mibiji yenu.

1 Yoano 3:4

Bonse balenga mambo bazhatwa pa kuzhilulula mizhilo, mambo bundengamambo ko kuzhilulula mizhilo.