Loma 7:4 - KNTP

⁴ Byonkabyo anweba bakwetu, ne anweba mwafwile ku Mizhilo monka mu mubiji wa Kilishitu, amba musongolwe ku ungi, yenkawa wasangwilwe mu bafu, amba tumupangile Lesa bipangwa.

Loma 7:4 Iomraidhean Croise

Mateo 26:26

Byo bajiilenga, Yesu washikwile shinkwa, ne pa kumupesha watebawile ne kupana ku baana babwanga amba, “Tambulai jai, uno ye mubiji wami.”

Mako 4:20

Ne bantu bakwabo bauba nobe boba bakushiwa nkunwa pa mushiji wawama. Beomvwa mambo ne kwiatambula ne kupanga bipangwa, bamo makumi asatu, bakwabo makumi atanu na jimo, ne bakwabo makumi jikumi.”

Yoano 15:8

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Yoano 3:29

Awa uji na musongwa ye musongoshi, kabiji mulunda na musongoshi, yenka waimana na kumumvwa, ye usekela bingi na mambo a jiwi ja musongoshi. Byonkabyo ne luno lusekelo lwami lwafikizhiwa.

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Loma 6:11

Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.

Loma 6:14

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Loma 6:2

Ine kabiji, akyo ne! Atweba twafwile ku bundengamambo tukikalemo byepi?

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 7:3

Kabiji umvwe wasongolwa ku mwanamulume mukwabo, mwata wanji kasa akiji mumi, abyo bakamutela amba nkende. Bino umvwe mwata wanji wafwa, abyo wakasuluka ku muzhilo, nangwa wasongolwa ku mwanamulume mukwabo kechi bakamutela amba nkende ne.

Loma 7:6

Pakuba pano atweba twakasululwa ku Muzhilo, byo twafwile ku kyokya kyo twalaminweko. Onkao mambo pano kechi tubena kwingijila mu Mizhilo ya kala yanembwa ne, kana mu bumi bupya bwa Mupashi.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

1 Kolinda 10:16

Nanchi katomeno ka mapesho kotupesha, kechi ko kushilang'ena kwa mashi a Kilishitu nenyi? Kabiji shinkwa ye tutebula kechi ko kushilang'ena kwa mubiji wa Kilishitu nenyi?

2 kolinda 11:2

Mambo amiwa nemumvwina mukao, ye mukao wa bwina Lesa, mambo nemwitabila mulume umo yenkaye Kilishitu, namba nkemufikizhe kwi aye bumuzhike bwawama.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

Ngalatiya 5:18

Bino umvwe bemutangijila ku Mupashi, kechi muji mu Mizhilo ne.

Efisesa 2:15

Byo azhimang'enye na mubiji wanji mizhilo ya mikambizho ya mu byatongolwa amba, alengelemo mwi aye mwine aba babiji ke muntu umo mupya, aleete mutende.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 4:17

Kabiji kechi naamba mambo nasakatu kutambula bya bupe ne, bino kine kyo nasaka namba anweba mwikale na bipangwa byavula.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:22

Pakuba pano Aye Lesa wimupwanya na lufu lwa mu mubiji wa bumuntu bwa Mwananji, mu kukemumwesha ku meso anji kasa mwazhila, babula bulema ne babula mambo.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Kolose 2:14

Ne kwiazhimang'anya malayang'ano a byatongolwa etwimejile na kwitushinawina, kabiji wiangachilemo mu jishinda jetu byo e apopele pa musalabu.

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Bahebelu 10:10

Ne mu kyonka kyaswa muchima wanji momo twazhijikilwa ponka pa kulambulwa kwa mubiji wa Yesu Kilishitu jimo jonka kikupu.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

Lumwekesho 19:7

Tusekele ne kusangalala kukatampe, tumutumbijike aye! Mambo kusongola kwa Mwana Mukooko kwafika ne mukazhanji winengezha kala.

Lumwekesho 21:9

Kabiji kwaishile umo wa mu boba bamalaika batanu na babiji bajinga na michiba itanu na ibiji, basendele yoya myalo itanu na ibiji yapeleleko, ne aye wang'ambijile amba, “Iya kuno, nkumweshe musongwa, muka Mwana Mukooko.”