Loma 7:11 - KNTP

¹¹ Mambo bundengamambo byo bwamwene mwakuubila, bwanjimbaikile na mukambizho, kabiji bwangipaile.

Loma 7:11 Iomraidhean Croise

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 7:13

Nanchi akya kyawama kyandetejile lufu nyi? Ine kabiji akyo ne! Bwajinga bundengamambo bo bwandetejile lufu ku akya kyawama, pakuba amba bundengamambo busoloke amba bo bundengamambo. Kabiji amba mu mikambizho bundengamambo bumwekeshetu byo bwatamisha.

Loma 7:8

Bino bundengamambo byo bwamwene mu Mizhilo mwa kwingijila, bwaingijilenga mwi amiwa misango yonse ya kukumbwa. Mambo pakubula Mizhilo bundengamambo bwafwa.

Efisesa 4:22

Amba, muvuule mwayila awa musango wa bwikalo bwenu butanshi, abwa bumuntu bwa kala bubena kuya na konaika monka mwayila lwiso lwa bujimbijimbi bwabo.

Bahebelu 3:13

Bino kasa mwitundaika anweba bene na bene pa juba pa juba, ponka pano pakitelwa amba, “Ja lelo” kuchiina amba, nangwa umo wa mwi anweba bakamukosesha muchima ku bujimbijimbi bwa bundengamambo.

Yakoba 1:22

Bino mwikale ba kwioba mambo, kechi ba kwiomvwatu ne kwijimbaika anweba bene ne.

Yakoba 1:26

Umvwe muntu wilanguluka amba ye mwina Lesa, ne kulama lujimi wanji ne, bino ujimbaika muchima wanji mwine, ao muntu bwina Lesa bwanji bwatu.