Loma 6:9 - KNTP

⁹ Kasa twayuka namba Kilishitu, byo asangulwa mu bafu, kechi ukafwa jibiji ne, lufu pano kechi luji na luusa pe aye ne.

Loma 6:9 Iomraidhean Croise

Loma 5:14

Kabiji byonkabyo kufuma kwi Adama ne kufika kwi Mosesa lufu lwaikajile mu bufumu, ne pa boba babujile kulenga mambo mwayila kuzhilulula kwa Adama. Ye wajinga kifwanyikizho kya yewa wasakile kwiya.

Loma 6:10

Mambo alwa lufu loafwile, wibufwila bundengamambo jimotu kwapwa, pakuba abwa bumi bo aikala naabo, waikala naabo mwi Lesa.

Loma 6:14

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Loma 6:4

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

Bahebelu 7:16

Wapewa bung'anga, kechi mwayila Mizhilo ya mikambizho ya ku buntunshi ne, poso mwayila bulume bwa bumi bubula kupwa.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.