Loma 6:3 - KNTP

³ Nanchi kechi mwayuka nenyi amba, atweba bonse twabatizhilwe mwi Kilishitu Yesu, twabatizhilwe mu lufu lwanji nyi?

Loma 6:3 Iomraidhean Croise

Mateo 28:19

Onkao mambo yainga na kulenga baana babwanga muba mikoka yonse ya bantu, muke babatizhenga mu jizhina ja Taata ne ja Mwana ne ja Mupashi Wazhila,

Byubilo 19:5

Pakumvwa bino, ba batizhilwe mu jizhina ja Nkambo Yesu.

Byubilo 2:38

Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.

Byubilo 8:16

Mambo waji ukyangye kwibekijila nangwa pa muntu umo ne, bino ba batizhilwetu mu jizhina ja Nkambo Yesu.

Loma 6:16

Nanchi kechi mwayuka amba ko mwipana anweba bene buzha mu kumukookela, kwapwa mwi bazha banji ye mukookela, nangwa mwi ba bundengamambo bwa kumwenamo lufu, nangwa mwi ba lukookelo lwa kumwenamo bololoke?

Loma 6:8

Kabiji umvwe twafwile pamo ne Kilishitu, twaitaba namba tukekala nanji pamo.

Loma 7:1

Kabiji anweba bakwetu mwayuka, mambo mbena kwamba ku bantu bayuka Mizhilo amba, Mizhilo izhijika muntu po akiji mumi.

1 Kolinda 10:2

Kabiji ba batizhilwe mwi Mosesa mu jikumbi ne mu kalunga ka mema.

1 Kolinda 12:13

Ne atweba bonse twabatizhilwe ku Mupashi umo mu mubiji umo, nangwa twi Bayudea, nangwa twi Bagiliki, nangwa twi bazha, nangwa twi baana ba bene, bonse twapewa kutoma ku yenka Mupashi umo.

1 Kolinda 15:29

Pano, nanchi lubatizhilo lwa boba bantu ba batizhiwa na mambo a bafu lwayila muka? Umvwe bafu kechi basangulwa ne, mambo ka kyo ba batizhiwa na mambo a bafu?

1 Kolinda 3:16

Nanchi kechi mwayuka amba, mwi nzubo ya Lesa kabiji Mupashi wa Lesa waikala mwi anweba nenyi?

1 Kolinda 5:6

Bwitote bwenu kechi bwawama ne. Kechi mwayuka amba, mbizho icheche itutumusha mushinshi yense nenyi?

1 Kolinda 6:19

Nanchi kechi mwayuka amba, mibiji yenu yo nzubo yazhila ya Mupashi Wazhila, uji mwi anweba ye mwatambula kwi Lesa nenyi? Kechi mwinonka anweba bene ne;

1 Kolinda 6:9

Nanchi kechi mwayuka amba babula koloka kechi bakaswana bufumu bwa Lesa nenyi? Kechi mujimbaikwe ne; nangwa ba bulalelale, nangwa bapopwela bankishi, nangwa bankende, nangwa bekuna na banabalume bakwabo,

1 Kolinda 9:13

Kechi mwayuka nenyi amba, aba bengila mu nzubo yazhila, baja ku bya mu nzubo yazhila, kabiji aba bengila ku kyakusokelapo bitapisho batambulako byabo ku bitapisho.

1 Kolinda 9:24

Kechi mwayuka nenyi amba, banyema kapeela banyema bonse, pakuba umotu yeutambula mpasela? Byonkabyo nyemai mukeitambule.

2 kolinda 13:5

Ipimai anweba bene, mumone kana muji mu bwikalo bwa mu lwitabilo, mwipime anweba bene. Nanchi anweba bene kechi mwiyuka amba Yesu Kilishitu uji mwi anweba nenyi? Kana apo kampe mwakankalwa kulumbuluka.

Ngalatiya 3:27

Mambo anweba bonse monka mo mwavujila mwabatizhilwe mwi Kilishitu, mwavwala Kilishitu.

Yakoba 4:4

Anweba bankende! Kechi mwayuka amba bulunda na bya pano pantanda bo bulwanyi ne Lesa nenyi? Byonkabyo awa usaka kwikala ke mulunda na bya pano pantanda wialula mwine ke mulwanyi ne Lesa.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.