Loma 5:6 - KNTP

⁶ Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 5:6 Iomraidhean Croise

Loma 11:26

Kabiji byonkabyo bena Isalela bonse bakapuluka. Monka mo kyanembelwa amba, “Mu Ziona mukafuma Mupokolweshi; Aye ukafumyamo bumbulwa kwakamwa Lesa mwi Yakoba.

Loma 4:25

Ye wasolwelwe pa mambo etu, kabiji ne kusangulwa na mambo a kubingishiwa kwetu.

Loma 4:5

Kabiji kuyewa ubula kwingila bino waitabila mwi aye ubingisha babula kwakamwa Lesa, lwitabilo lwanji lwamutelelwa ke bololoke.

Loma 5:10

Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji!

Loma 5:7

Mambo kechi kyapeela muntu kumufwila waololoka ne. Kana muntu wa lusa kampe umo usakuchinchika ne kumufwila.

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Kolose 2:13

Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.

Tesalonika 5:9

Mambo Lesa kechi witutongwejile bukaji ne, poso kumona lupulukilo mwi Nkambo yetu Yesu Kilishitu,

1 Timoti 1:9

Byo twayuka namba, Mizhilo kechi yalengejilwe muntu waoloka ne, poso bampupabizhila ne bakajimbulushi, ne baabula kwakamwa Lesa, ne bandengamambo, ne baabula kuzhila, ne baatu, ne bepaya bashabo ne bainabo, ne bepaya bantu bakwabo,

Titusa 2:12

Bwitufunjisha atweba amba, tukaane bumbulwa kwakamwa Lesa ne bya lwiso lwa pano pantanda, twikale ba kwikanya, baoloka, ne ba kunemeka Lesa pano pantanda.

Bahebelu 8:3

Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

Bahebelu 9:26

inge byo byo, kyamufwainwe amba amaname javula kufuma ku ntendekelo ya pano pantanda. Pakuba pano byo kiji bino, kuno kumpelo ya myaka aye wamweka jimo jonka na kufumya bundengamambo na kitapisho kya kwitapisha aye mwine.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

2 Petelo 3:7

Pakuba bya mwiulu bya katataka ne ntanda, byalaminwa mujilo ku jiwi jimo jonka, kupembela juba ja kije ne ja lonaiko lwa bantu babula kwakamwa Lesa.

Yuda 1:15

mu kwibachibila mambo bonse, ne kwibazhachisha babula kwakamwa Lesa bonse na mambo a mingilo yabo yonse ya kubula kwakamwa Lesa, yo baingila mu kubula kwakamwa Lesa, ne na byambo byonse byakosa byo bamwambila bandengamambo babula kwakamwa Lesa.”

Yuda 1:18

Byo bemwambijile amba, “Mu moba akapelaako kukekala ba mwenga, kasa balonda monka mu bya lwiso lwabo bya kubula kwakamwa Lesa.”

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.