Loma 5:5 - KNTP

⁵ Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 5:5 Iomraidhean Croise

Byubilo 10:45

Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila.

Byubilo 2:17

“Mu moba akapelaako Lesa wa amba amba, ‘nketulwila Mupashi wami pa bantu bonse: Ne baana benu ba balume ne ba bakazhi bakaulanga na Mupashi, Ne bansongwalume benu bakamona bimwesho, ne bakote benu bakalota biloto.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Loma 1:7

Ku bonse baji mu Loma, bo batemwa kwi Lesa kabiji baitwa amba bekale ke bazhijikwa. Bupe bwikale ne anweba ne mutende bifuma kwi Lesa Taata ne kwi Nkambo Yesu Kilishitu.

Loma 8:28

Kabiji twayuka namba bintu byonse bingijila pamo mu kwibaletela byawama bamutemwa Lesa, bo boba baitwa monka mwayila kufuukula kwanji.

Loma 9:33

monka mo kyanembelwa amba, “Talai, natuula mu Ziona jibwe ja kwituntulako ne mukunko wa kwibaponeshako. Kabiji awa wamwitabila aye kechi ukamona bumvu ne.”

1 Kolinda 8:3

Bino umvwe muntu watemwa Lesa, awa wayukanyikwa kwi Lesa.

2 kolinda 1:22

kabiji ye yenka witubika kayukilo, ne kwitupa Mupashi Wazhila mu michima yetu ke bukikizhi.

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Ngalatiya 4:6

Kabiji byo muji baana, Lesa watuma Mupashi wa Mwananji mu michima yenu, kasa eeta amba, Abba, Taata.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Efisesa 1:13

Kabiji ne anweba mwaumvwine Mambo a Bukine, o Mambo Awama a lupulukilo lwenu. Kabiji byo mwaitabijile Kilishitu mwabikilwe kayukilo, ye Mupashi Wazhila wa mulaye.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

Filipai 1:20

Kabiji naitaba ne kuketekela namba kechi nkamona bumvu nangwa mu kintu kimo ne, bino naikala na kuchichinka kwawama amba, byonka byo atumbijikwa Kilishitu mu mubiji wami moba onse, nkatwajijila na kumutumbijika mu bumi nangwa mu lufu.

Tesalonika 4:8

Onkao mambo aye ulengulula kechi ulengulula muntu ne, ulengulula Lesa yenka aye wimupa Mupashi wanji wazhila.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

2 Timoti 1:12

na onka ano mambo o namanamina bino bintu. Bino kechi nji na bumvu ne, mambo namuyuka aye ye naitabila, kabiji nayukisha namba, aye wakonsha kulama kufika ku joja juba akya kyafikizhiwa kwi amiwa.

1 Yoano 4:19

Atweba twatemwang'ana mambo aye witutemenwe patanshi.