Loma 5:2 - KNTP

² Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa!

Loma 5:2 Iomraidhean Croise

Mateo 25:21

Kumvwa nkambo yanji wamwambijile amba, ‘Wauba bulongo obewa kalume wawama ne wakishinka, mambo waikala wakishinka pa tucheche, nkakupa bukalama bwa pa byavula, twela mu lusekelo lwa nkambo yobe.’

Yoano 10:7

Kepo Yesu ebambijile jibiji amba “Kine, kine nemwambila namba, amiwa yami kibelo kya mikooko.

Yoano 10:9

Amiwa yami kibelo. Inge muntu watwelela pe amiwa ukapuluka, kabiji ukatwelanga ne kulupuka, kasa amona bya kuja.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

Loma 11:20

Ee, ibyo, byonkabyo beichimwineko na mambo a milengulwila yabo, bino obewa wakoselamo mambo onka a lwitabilo lobe. Byonkabyo kechi witote ne; wikale na moyo.

Loma 12:12

Sekelai mu luketekelo, tekanyai mu bya malwa, kasa mukelwa mu milombelo.

Loma 14:4

Obewa yobe ng'anyi byo uzhachisha wamwingilo wa ungi? O mambo a Nkambo yanji mwine nangwa waimana, nangwa wapona. Kine, ukemikwa; mambo aye Nkambo uji na bulume bwa kumwimika.

Loma 15:13

Kabiji aye Lesa nsulo ya luketekelo, emuyuzhe na lusekelo lonse ne mutende pa kwitabila, amba luketekelo lwenu luyenga na kukomenako, monka mu bulume bwa Mupashi Wazhila.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 3:23

Mambo bonse balenga mambo, kabiji bapelelelatu ne kufika ku lukumo lwa Lesa ne.

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:24

Mambo mo mulonka luno luketekelo mo twapulukijile. Pano luketekelo lwamweka kala kechi lolwa kuketekela ne. Mambo ng'anyi uketekela byo abena kumona?

1 Kolinda 15:1

Anweba bakwetu, pano nasaka kwimuvulula Mambo Awama o nemusapwijile, o mwatambwile, kabiji o emwimika ne kwimukosesha.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

Efisesa 2:18

Mambo monka mwi aye atweba bonse babiji tuji na mwa kwishila mu Mupashi umo kwi aye Taata.

Efisesa 3:12

Mwi aye motuchinchikila kabiji motutwelela na luketekelo na mambo a lwitabilo lwetu lwa mwi aye.

Efisesa 6:13

Onkao mambo shikulai byonse bya nkondo bya Lesa, namba mukonshe kwimana kasa mwakosa mu juba jibi, ne pakupwa kuuba byonse, kasa mwaimana ponka.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

Lumwekesho 21:11

wajinga na lukumo lwa Lesa. Kubekauka kwanji kwaubile nobe jibwe jakila mu buneme, nobe jibwe ja yasipa, ja kilola nobe kilishitala.

Lumwekesho 21:23

Kabiji awa muzhi kechi usaka kyeya kya juba nangwa kya ng'ondo ne, mambo lukumo lwa Lesa lo lwamutokesha, ne aye Mwana Mukooko ye lampi wanji.

Lumwekesho 21:3

Ponkapo naumvwine jiwi jikatampe jafumine ku jitanda amba, “Tala, kya kwikalamo Lesa kiji mu bantu! Aye ukekala naabo, ne abo naabo bakekala ke bantu banji. Ne Lesa mwine ukekala naabo, ne kwikala ke Lesa wabo.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.