Loma 5:12 - KNTP

¹² Byonkabyo, bundengamambo byo bwatwelele pano pantanda ku muntu umo, ne lufu nalo lwatwelele na bundengamambo, kabiji byonkabyo ne lufu lwakumbene ku bantu bonse, mambo bonse balengele mambo.

Loma 5:12 Iomraidhean Croise

Loma 3:23

Mambo bonse balenga mambo, kabiji bapelelelatu ne kufika ku lukumo lwa Lesa ne.

Loma 5:18

Byonkabyo luzhachisho byo lwaishile ku bantu bonse mu bubi bwa muntu umo, kabiji byonkabyo ne lubingisho luleeta bumi nalo lwaishile ku bantu bonse mu kyubilo kya bololoke kimo.

Loma 5:19

Mambo bavula byo ba alukile ke bandengamambo mu milengulwila ya umo, byonkabyo ne bavula ba kaluuka ke baoloka mu lukookelo lwa umo.

Loma 5:21

Amba, bundengamambo, byonka byo bwaikajile mu bufumu bwa lufu, byonkabyo ne bupe nabo, bwikale mu bufumu mu kupana bololoke buleeta bumi bwa myaka mwi Yesu Kilishitu Nkambo yetu.

Loma 6:21

Lelo mu akya kimye ng'anyi bipangwa byo mwamwenejilemo mu byobya bintu? Bimulengesha bumvu pano mambo kumpelo ya byobya bintu ke lufu!

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

1 Kolinda 15:56

Bundengamambo ye lumuna wa lufu, ne bulume bwa bundengamambo yo mizhilo.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.

Yakoba 1:15

Kabiji lwiso nalo pa kwimita lusema bundengamambo, ne bundengamambo nabo byo bukoma, busema lufu.

Yakoba 3:2

Mambo atweba bonse tupusa mu bintu byavula. Umvwe muntu wabula kupusa mu byo amba, ao muntu walumbuluka, wakonsha kulama ne mubiji wanji yensetu pamo.