Loma 5:10 - KNTP

¹⁰ Mambo umvwe byo twakijinga balwanyi, twapwainwe ne Lesa mu lufu lwa Mwananji. Pano byo twapwana, kine kabiji tukapulukila mu bumi bwanji!

Loma 5:10 Iomraidhean Croise

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Yoano 5:26

Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Yoano 6:57

Byo bantumine abo bataata ba bumi, ne amiwa mbena kumwena bumi monka mwi bataata. Byonkabo awa unja amiwa, ne aye naye ukamwena bumi monka mwi amiwa.

Loma 11:28

Mwayila ano Mambo Awama, bo balwanyi ba Lesa na mambo a anweba. Bino na mambo a kusalulwilwa jimo, bo batemwe banji na mambo a bashakulu babo.

Loma 5:11

Namo kechi monkamotu ne; twasekela ne mwi aye Lesa monka mwi Nkambo yetu Yesu Kilishitu, mo twatambwila pano bupwanyi.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Loma 8:7

Mambo muchima wata ku buntunshi washikwa Lesa mambo kechi unekenena Mizhilo ya Lesa ne, kine kechi wakonsha kwiinekenena ne.

2 kolinda 5:20

Byonkabyo atweba twi bantomesha ba Kilishitu, pamo nobe Lesa mwine wimusashijila mwi atweba. Twimusashijila na mambo a Kilishitu namba, pwanai ne Lesa.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Efisesa 2:16

Kabiji amba ebapwanye na Lesa bonse babiji mu mubiji umo konka ku musalabu, byo azhimang'enye mfika konka.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

1 Yoano 2:1

Anweba twana twami, nemunembela bino namba kechi mulenge mambo ne. Bino umvwe muntu walenga mambo, tuji na Nkwasho uji ne Taata, Yesu Kilishitu, waoloka.

1 Yoano 4:10

Butemwe buji bino; kechi amba atweba twamutemenwe Lesa ne, poso amba aye witutemenwe atweba ne kutuma Mwananji amba ekale ke mfuto ya mambo etu.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.