Loma 4:6 - KNTP

⁶ Monka mwa ambila Davida mambo a kutokwa kwa yewa muntu ye baswa kwi Lesa amba waoloka, kwakubula ne mingilo, amba.

Loma 4:6 Iomraidhean Croise

Mateo 25:19

“Kabiji pakupitapo moba avula nkambo wa boba bakalume waishile na kwibabalulwilao.

Loma 1:17

Mambo mo mumwekela bololoke bwa Lesa bwa mu lwitabilo ku lwitabilo, monka mo kyanembelwa amba, “Mololoke ukamwena bumi ku lwitabilo.”

Loma 3:27

Lelo kabiji kwitota kwetu kuji pi? Kafwako! Kabiji ng'anyi mambo? Na ng'anyi muzhilo? Wa mingilo nyi? Ine, poso na muzhilo wa lwitabilo.

Loma 4:11

Aye watambwile mukanda ke kayukilo, nobe kateetesho ka bololoke bwa mu lwitabilo bo ajinga naabo, kasa akyangye kutwela mu mukanda. Amba ekale ke shanja bonse baitabila kwakubula mukanda, amba ebaswe ne abo pamo amba baoloka.

Loma 4:24

Bino byanembejilwe ne atweba pamo bakatelwa amba baoloka, atweba baitabila awa wamusangwile Yesu Nkambo yetu mu bafu.

Loma 4:5

Kabiji kuyewa ubula kwingila bino waitabila mwi aye ubingisha babula kwakamwa Lesa, lwitabilo lwanji lwamutelelwa ke bololoke.

Loma 4:7

“Batokwa aba bobalekela bibi byabo, ne mambo abo avwetwa!

Loma 4:9

Nanchi kuno kutokwa ba ambilatu bonka ba mu mukanda nyi, inyi ne babula mukanda pamo? Twa amba namba, “kabiji Lesa wamutelele Abulahama amba waoloka na mambo a lwitabilo lwanji.”

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 3:14

Amba kibusa kya Abulahama kibafikile Bangentila mwi Kilishitu Yesu. Amba tutambule mulaye, ye Mupashi monka mu lwitabilo.

Ngalatiya 4:15

Lelo kabiji alwa lusekelo lwenu lujipi? Mambo amiwa ne mushimuna namba, inge kyakonshekele kubiwa, inge mwalobwele meso enu ne kumpa amiwa.

Efisesa 1:3

Atotwe Lesa, Shanja Nkambo yetu Yesu Kilishitu, ye witubijiile bibusa byonse bya mwiulu, bya bumupashi mwi Kilishitu.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

Yakoba 2:18

Pakuba umo ukamba amba, “Obewa uji na lwitabilo, ne amiwa nji na mingilo. Mbuule biji lwitabilo lobe kwabula mingilo, ne amiwa nkakubuula lwitabilo lwami monka mu mingilo yami.”

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.