Loma 4:11 - KNTP

¹¹ Aye watambwile mukanda ke kayukilo, nobe kateetesho ka bololoke bwa mu lwitabilo bo ajinga naabo, kasa akyangye kutwela mu mukanda. Amba ekale ke shanja bonse baitabila kwakubula mukanda, amba ebaswe ne abo pamo amba baoloka.

Loma 4:11 Iomraidhean Croise

Mateo 16:16

Kumvwa Shimona Petelo amba, “Anweba mwi Kilishitu, Mwana Lesa mumi.”

Mateo 8:11

Kabiji nemwambila namba, bavula bakeya bakafuma ku musela ne ku muzhika, bakekala pamo ne Abulahama, ne Izaka, ne Yakoba, mu bufumu bwa mwiulu.

Luka 19:9

Ne Yesu wamwambijile amba, “Jino juba ja leelo lupulukilo lwafika ku yoino nzubo, mambo ne aye naye ye mwana Abulahama.

Yoano 3:33

Awa waitabila kushimuna kwanji ye waitaba amba, Lesa ye wa kine.

Yoano 3:36

Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.

Yoano 6:35

Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Yoano 6:47

Kine, kine nemwambila namba, aye waitabila uji na bumi bwa myaka.

Yoano 8:33

Kumvwa abo bamwambijile amba, “Atweba twi ba mukisemi kya kwa Abulahama, tukyangye kunonkwapo buzha ku muntu nangwa umotu ne. Anweba ki ka kyo mwa ambila amba, mukekala ke baana ba bene?”

Loma 10:11

Mambo kinembelo kyaamba amba, “Bonse bamwitabila kechi bakamona bumvu ne.”

Loma 10:4

Mambo Kilishitu yo mpelo ya Mizhilo pakuba amba, bonse baitabila bamone bololoke.

Loma 10:6

Pakuba bololoke bwa mu lwitabilo bwa amba amba, “Kechi wambe mu muchima wobe amba, ng'anyi ukakanjila mwiulu?” (Ko kuuba amba, na kumwikizha Kilishitu panshi).

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

Loma 3:26

Naamba namba mambo a kumwesha bololoke bwanji pa kyo kino kimye, amba mwine ekale waoloka, ne wakumubingisha awa waitabila mwi Yesu.

Loma 3:30

Kabiji byo aji Lesa umotu, ukebabingisha ba mukanda ku lwitabilo, ne babula mukanda nabo monka mu lwitabilo.

Loma 4:10

Nanchi ng'anyi kimye kyo bamutelele Abulahama amba waoloka? Kasa akyangye kutwela mu mukanda nyi? Inyi kasa atwela kala mu mukanda? Kechi kyajinga kasa atwela kala ne, bino kasa akyangye kutwela mu mukanda.

Loma 9:30

Nanchi tusa kwamba amba ka? Namba Bangentila, babujile bololoke, bebumwena mu lwitabilo;

Loma 9:33

monka mo kyanembelwa amba, “Talai, natuula mu Ziona jibwe ja kwituntulako ne mukunko wa kwibaponeshako. Kabiji awa wamwitabila aye kechi ukamona bumvu ne.”

Loma 9:6

Bino kechi kyayila mukuuba amba, mambo a Lesa a aluka ke atu ne. Pakuba bonse bamu Isalela kechi bo bene bena Isalela ne.

2 kolinda 1:22

kabiji ye yenka witubika kayukilo, ne kwitupa Mupashi Wazhila mu michima yetu ke bukikizhi.

Ngalatiya 3:22

Bino kinembelo kibishinkila bintu byonse mu bundengamambo amba, akya kyalayilwe na lwitabilo lwa mwi Yesu Kilishitu kipanwe ku baitabila.

Ngalatiya 3:29

Kabiji umvwe mwi bakwa Kilishitu, mwi ba nkunwa ya Abulahama, mwi banswanyi ba monka mwayila mulaye.

Ngalatiya 3:7

Onkao mambo yukai amba bonkaba ba lwitabilo, bo baana bakwa Abulahama.

Ngalatiya 5:5

Mambo atweba mo mu Mupashi mo tutengela na lwitabilo akya kyo twaketekela kumona, kikeshila mu bololoke.

Ngalatiya 6:16

Kabiji mutende ne lusa bikale pa bonse benda mu ye uno muzhilo ne pa bene bena Isalela ba Lesa.

Efisesa 1:13

Kabiji ne anweba mwaumvwine Mambo a Bukine, o Mambo Awama a lupulukilo lwenu. Kabiji byo mwaitabijile Kilishitu mwabikilwe kayukilo, ye Mupashi Wazhila wa mulaye.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

Bahebelu 11:7

Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

Lumwekesho 9:4

Kabiji beyambijile amba, kechi yonaune nsono ya pantanda ne, nangwa bikwabo byatalala ne, nangwa bichi ne, poso bonkaba bantu babula kayukilo ka Lesa pa bilungi byabo.