Loma 4:1 - KNTP

¹ Nanchi tusa kwamba ka, namba Abulahama mushakulu wetu, i kika kyo amwenejile mu buntunshi?

Loma 4:1 Iomraidhean Croise

Mateo 3:9

Kechi mulanguluke mu michima yenu amba, muji na shenu Abulahama ne. Pakuba amiwa nemwambila namba, Lesa wakonsha kwalula ano mabwe ke baana ba Abulahama!

Luka 3:8

Byonkabyo pangai bipangwa byafwainwa lulapilo. Kabiji kechi mulanguluke mu michima yenu amba, ‘Tuji na shetu Abulahama ne.’ Pakuba amiwa nemwambila namba, Lesa wakonsha kwalula ao mabwe ke baana ba Abulahama.

Yoano 8:33

Kumvwa abo bamwambijile amba, “Atweba twi ba mukisemi kya kwa Abulahama, tukyangye kunonkwapo buzha ku muntu nangwa umotu ne. Anweba ki ka kyo mwa ambila amba, mukekala ke baana ba bene?”

Yoano 8:53

Nanchi anweba mwakila mushakulu wetu Abulahama nyi? Aye wafwile ne bangauzhi nabo bafwile, nanchi anweba bene mwi languluka amba mwi ng'anyi?”

Yoano 8:56

Shenu Abulahama wasekejile pa kuketekela kumona juba ja kwiya kwami, ne kumona wijimwene, ne kusekela wasekejile.”

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Loma 1:3

A mwananji wasemenwe ku lukunwa wa Davida mwayila bumuntu,

Loma 3:5

Bino umvwe bumbulwa koloka bwetu bumwesha bololoke bwa Lesa, tusa kwamba ka? Lelo aye Lesa byo amwesha bukaji pe atweba wabula koloka nyi? (Naambatu mwambila bantu.)

Loma 4:16

Onka ano mambo oaikela mulaye pa lwitabilo, amba mulaye ekale pa bupe, mulaye akekale pa bonse ba mukisemi, kechi boba bonka bamu Mizhilo ne, nanchi ne kuboba bamulwitabilo lwa Abulahama shetu atweba bonse;

Loma 6:1

Nanchi tusa kwamba amba ka? Tutwajijilengatu na kulenga mambo amba bupe buvule nyi?

Loma 7:7

Kabiji pano tusa kwamba amba ka? Nanchi Mizhilo bo bundengamambo nyi? Ine kabiji, akyo ne. Nangwa byonkabyo, pakubula Mizhilo inge kechi nayukile bundengamambo ne. Mambo umvwe Mizhilo yabujile kwamba amba, “Kechi ukumbwe ne,” inge kechi nayukile mwayila kukumbwa ne.

Loma 8:31

Pano tusa kwamba amba ka, na mambo a bino bintu? Umvwe Lesa uji ne atweba, ng'anyi uketwimena?

2 kolinda 11:22

Umvwe bo ba Hebelu, ne amiwa pamo. Umvwe bo bena Isalela, ne amiwa pamo. Umvwe bo ba nkunwa ya Abulahama, ne amiwa pamo.

Bahebelu 12:9

Na mambo a kino, atweba twajinga na bashetu ba pano pantanda betufunjilenga, kabiji twibanemekelenga. Twafwainwa kukila kumunekenena Taata wa mipashi yetu ne kumona bumi!