Loma 3:4 - KNTP

⁴ Abyo ne! Lesa ekale wa kine nangwa bantu bonse baikala ke ba bubela. Monka mo kyanembelwa amba, “Bemubingishe mu byambo byenu, kabiji mukabingishiwa pa kwiya mukije.”

Loma 3:4 Iomraidhean Croise

Mateo 11:19

Mwana Muntu aye waiya kasa aja ne kutoma, kabiji bamuneena amba, ‘Talai ye kiji ne kitomi, mulunda wa basonkeshi ne bandengamambo!’ Bino maana beabingisha ku mingilo yao.”

Luka 20:16

Aye ukeya ne kwibonauna aba bakalama, ne bujimi ukebupana ku bakwabo.” Byo ba umvwine bino, ba ambile amba, “Abyo ne!”

Yoano 3:33

Awa waitabila kushimuna kwanji ye waitaba amba, Lesa ye wa kine.

Loma 11:1

Naipuzha namba, aye Lesa wibataya bantu banji nyi? Ine kabiji akyo ne! Mambo ne amiwa mwine ne mwina Isalela, wa munkunwa ya Abulahama, ne wa mu mukoka wa Benjamina.

Loma 11:11

Pano amiwa naipuzha namba, betuntwile mukuuba amba baponejijiletu nyi? Ine kabiji, akyo ne! Nanchi mu kupona kwabo momo lwaishila lupulukilo ku Bangentila, amba bebobishe bena Isalela kichima.

Loma 3:31

Nanchi atweba tonauna Mizhilo na lwitabilo nyi? Ine kabiji, abyo ne, twaikajika Mizhilo.

Loma 6:15

Pakuba pano byepi? Byo twabula kwikala bamu Mizhilo ne, bino twaikala pano mu bupe tulengengatu mambo nyi? Ine kabiji, akyo ne!

Loma 6:2

Ine kabiji, akyo ne! Atweba twafwile ku bundengamambo tukikalemo byepi?

Loma 7:13

Nanchi akya kyawama kyandetejile lufu nyi? Ine kabiji akyo ne! Bwajinga bundengamambo bo bwandetejile lufu ku akya kyawama, pakuba amba bundengamambo busoloke amba bo bundengamambo. Kabiji amba mu mikambizho bundengamambo bumwekeshetu byo bwatamisha.

Loma 7:7

Kabiji pano tusa kwamba amba ka? Nanchi Mizhilo bo bundengamambo nyi? Ine kabiji, akyo ne. Nangwa byonkabyo, pakubula Mizhilo inge kechi nayukile bundengamambo ne. Mambo umvwe Mizhilo yabujile kwamba amba, “Kechi ukumbwe ne,” inge kechi nayukile mwayila kukumbwa ne.

Loma 9:14

Pano nanchi tusa kwamba amba ka? Lesa uji na bumbulwa koloka nyi? Ine kabiji akyo ne.

1 Kolinda 6:15

Nanchi kechi mwayuka amba, mibiji yenu byo bya mubiji wa Kilishitu nenyi? Ng'angate bya mubiji wa Kilishitu ne kwibyalula ke bya mubiji wa pite nyi? Ine, kabiji akyo ne.

2 kolinda 1:18

Pakuba Lesa byo aji wakishinka, ne byambo byetu byo twimwambila kechi biji bya kwamba amba, “Ee,” kabiji amba, “Ine” ine.

Ngalatiya 2:17

Pakuba byo twakebele kubingila mwi Kilishitu, ne atweba bene twamwekele ke tuji bandengamambo. Nanchi aye Kilishitu ye wamwingilo wa bundengamambo nyi? Ine kabiji akyo ne.

Ngalatiya 2:21

Amiwa kechi na alula bupe bwa Lesa ke bwatu ne, mambo umvwe bololoke bwishila mu Mizhilo, nanchi Kilishitu wafwile kyatu.

Ngalatiya 6:14

Bino amiwa, kechi ngikale na kya kwitotelamo nangwa pacheche ne, posotu mu musalabu wa Nkambo yetu Yesu Kilishitu; ku yeo musalabu pano pantanda pangipayilwa amiwa, kabiji ne amiwa nepepayilwa pano pantanda.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Titusa 1:2

mu luketekelo lwa bumi bwa myaka, boalayile Lesa ubula kubepa, ntendekelo ya myaka kasa ikyangye kwikalako,

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

1 Yoano 5:10

Awa wamwitabila Mwana Lesa uji na bukamonyi mwi aye mwine; aye wabula kwitabila Lesa, ye wamwalula ke wa bubela; mambo a kubula kwitaba kushimuna kwa Lesa ko a mushimuna Mwananji.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.