Loma 2:5 - KNTP

⁵ Nanchi monka mwayila kukosa kobe ne muchima wobe ubula kulapila, ubena kwitujila obewa mwine bukaji bwa mu juba ja bukaji ne ja lumwekesho lwa bunchiba mambo bwaoloka bwa Lesa.

Loma 2:5 Iomraidhean Croise

Loma 1:18

Mambo bukaji bwa Lesa bwamweka kufuma mwiulu, bwibumwekela bumbulwa kwakamwa Lesa ne bumbulwa koloka bonse bwa bantu, bavulang'anya bukine na bumbulwa koloka.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

Loma 9:22

Byepi inge Lesa pakuswa kumwesha bukaji bwanji, kabiji amba bulume bwanji buyukanyikwe, aye watekenye na kukooka muchima kukatampe na bijiilo byafwainwa bukaji ne lonaiko,

2 kolinda 5:10

Mambo atweba bonse tukamweka konka ku kipona kya kije kya Kilishitu, amba bonse pa muntu pa muntu, tukatambule mfweto ya bintu bya mu mibiji, monka mo twaubijile, nangwa byawama nangwa byatama.

2 Tesalonika 1:5

Nakyo ko kayukilo kamwesha bunchiba mambo bwaoloka bwa Lesa amba, mukatelwe amba bo bafwainwa bufumu bwa Lesa, bo mumanamina ne anweba.

Bahebelu 3:13

Bino kasa mwitundaika anweba bene na bene pa juba pa juba, ponka pano pakitelwa amba, “Ja lelo” kuchiina amba, nangwa umo wa mwi anweba bakamukosesha muchima ku bujimbijimbi bwa bundengamambo.

Bahebelu 3:15

Kinembelo kyaamba amba, “Ja lelo umvwe mwaumvwa jiwi janji, kechi mukoseshe michima yenu nobe joja juba ja lweseko ne.”

Bahebelu 4:7

Kabiji aye Lesa watongwele juba jikwabo amba, “Ja lelo,” wa ambile kupichila mwi Davida pakupita myaka yavula, monka motwajikwambila kala amba, “Ja lelo umvwe mwaumvwa jiwi janji, kechi mukoseshe michima yenu ne.”

Yakoba 5:3

Ngolode yenu ne siliva byauba kala ndalabwa; kabiji ndalabwa yabyo ikemushiina, ikaja mibiji yenu pamo nobe mujilo. Mwifiila bunonshi bwenu mu ano moba apelaako.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

2 Petelo 3:7

Pakuba bya mwiulu bya katataka ne ntanda, byalaminwa mujilo ku jiwi jimo jonka, kupembela juba ja kije ne ja lonaiko lwa bantu babula kwakamwa Lesa.

Yuda 1:6

Ne bamalaika babujile kulama bukulumpe bwabo, kabiji bashiile bifulo byabo byo baikajilengapo bene, wibalama mu mfungwa ya myaka mu mfishi, na kupembelela kije kya aja juba jikatampe.

Lumwekesho 2:21

Kabiji namupele kimye namba, alapile, bino aye wakana kulapila ku bulalelale bwanji.

Lumwekesho 6:17

Mambo juba jikatampe ja bukaji bwabo jafika, kabiji ng'anyi wakonsha kwimana?”