Loma 2:2 - KNTP

² Twayuka namba, aye Lesa moachibila mambo a bantu boba bintu bya byonkabye, mo mwaoloka.

Loma 2:2 Iomraidhean Croise

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

Loma 2:1

Onkao mambo obewa muntu uzhachisha mukwenu, wi wa byepi? Wabula ne mwa kwibingishisha obewa mwine. Pakuba monka mo umuzhachishisha mukwenu, wifwisha nao obewa mwine, mambo ne obewa umuzhachisha, wibyuba abya byonka bimotu.

Loma 2:3

Bino, obewa muntu wibazhachisha boba bibye, ne obewa mwine kasa wibyuba pamo! Walanguluka amba, ukapuluka ku luzhachisho lwa Lesa nyi?

Loma 2:5

Nanchi monka mwayila kukosa kobe ne muchima wobe ubula kulapila, ubena kwitujila obewa mwine bukaji bwa mu juba ja bukaji ne ja lumwekesho lwa bunchiba mambo bwaoloka bwa Lesa.

Loma 9:14

Pano nanchi tusa kwamba amba ka? Lesa uji na bumbulwa koloka nyi? Ine kabiji akyo ne.

Lumwekesho 16:5

Kabiji naumvwine malaika wajinga na luusa lwa pa mema kasa aamba amba, “Mwi waoloka anweba, mujipo kabiji mwajingapo, yenu wazhila, bumutonyi bwenu bo bwaoloka!

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”